الماتى وبلىسىندا ەلباسىنىڭ تاپسىرماسىن جەنە ەل پرەزيدەنتٸنٸڭ جولداۋىنداعى مٸندەتتەرٸن ورىنداي وتىرىپ, ەكونوميكالىق ٶسٸمگە قول جەتكٸزۋ مەن حالىقتىڭ ەل-اۋقاتىن ارتتىرۋ ٷشٸن بارلىق قاجەتتٸ شارالار قابىلدانعان. سونىڭ نەتيجەسٸندە 2019 جىلدىڭ قورىتىندىسى بويىنشا وبلىستىڭ جالپى ٶڭٸرلٸك ٶنٸمٸ 4,5 پايىزعا ٶسٸپ, ٷش تريلليون تەڭگەدەن استى. 48 مىڭنان استام جۇمىس ورنى قۇرىلدى, ونىڭ 31 مىڭى - تۇراقتى جۇمىس ورىندارى.
بۇل تۋرالى الماتى وبلىسىنىڭ ەكٸمٸ اماندىق باتالوۆ بٷگٸن تالدىقورعاندا ٶتكەن ەل الدىنداعى ەسەپ بەرۋ جيىنىندا ايتتى, دەپ حابارلايدى "ۇلت اقپارات".
«مەملەكەتتٸك بيۋدجەتكە تٷسٸمدەر 509 ملرد. تەڭگەدەن استى, ونىڭ ٸشٸندە تەك ٶزٸندٸك كٸرٸستەر 226 ملرد. تەڭگەنٸ قۇرادى. 2020 جىلعى وبلىس بيۋدجەتٸ 586 ملرد.تەڭگەنٸ قۇراپ, ونىڭ ٸشٸندە مەنشٸكتٸ كٸرٸس 252 ملرد. تەڭگەگە جەتكەن. وبلىستا ينجەنەرلٸك ينفراقۇرىلىمدارمەن قامتۋ ٸسٸنە جەرگٸلٸكتٸ بيۋدجەتتٸڭ 75 %-ٸ جۇمسالىپ وتىر. مەسەلەن, جول جٶندەۋگە – 40 ملرد. تەڭگە, سۋ جٷيەلەرٸنە – 10,5 ملرد. تەڭگە, گازداندىرۋعا – 3,2 ملرد. تەڭگە, تۇرعىن ٷيلەردٸ ينجەنەرلٸك جەلٸلەرمەن قامتۋعا – 32,6 ملرد. تەڭگە, تۇرعىن ٷي كوممۋنالدىق شارۋاشىلىعىنا, سونىڭ ٸشٸندە جىلۋ, ەلەكتر جٷيەلەرٸمەن قامتۋ, اباتتاندىرۋ مەن جارىقتاندىرۋ جۇمىستارىنا جالپى كٶلەمٸ 12 ملرد. تەڭگە قاراستىرىلىپ وتىر. تۇرعىنداردىڭ ٶمٸر سٷرۋ ساپاسىن ارتتىرۋدا بۇل مەسەلەلەردٸ شەشۋدٸڭ ماڭىزى زور», - دەپ اتاپ ٶتتٸ ا. باتالوۆ.
