قاراعاندىلىق فاريدا عابباسوۆا العاش رەت 2011 جىلى اقش-قا ارمان قۋىپ بارىپ, كٷنٸ بٷگٸنگە دەيٸن سوندا تۇرىپ جاتىر. شەت تٸلٸن تەرەڭ مەڭگەرۋ ماقساتىندا مۇحيت اسىپ بارعان جەرلەسٸمٸز قازٸرگٸ كٷنٸ اقش-تا ٶز كەسٸبٸن دٶڭگەلەتٸپ وتىر. ميلليونداعان ادامداردىڭ بٸر كٶرۋ ارمانىنا اينالعان ەلەمدٸك مەگوپوليس نيۋ-يوركتە ٶز ٸسٸن اشقان وتانداسىمىز قازاقپارات تٸلشٸسٸمەن تٸلدەسكەن بولاتىن.
«مەن قاراعاندى قالاسىنىڭ تۋماسىمىن. سوندا تۋىپ-ٶسٸپ, اعىلشىن تٸلٸ ماماندىعىن يگەرگەن سوڭ, تٸل مەڭگەرۋدٸ جەتٸلدٸرۋ ماقساتىندا 2011 جىلى نيۋ-يورككە (اقش) كەلدٸم. قالا ماعان بٸردەن ۇنادى, سودان قالامىن دەپ شەشتٸم. اقش-تاعى وقۋىمدى بٸتٸرٸپ, قازاقستانعا كەلگەن سوڭ, كٶپ ۇزاماي امەريكاعا ارمان قۋالاپ قايتا كەلدٸم. ول كەزدە مەن مۇندا ەشكٸمدٸ بٸلمەدٸم, ەشقانداي تانىس-تۋىسىم بولمادى. كەلە سالا جۇمىس ٸزدەۋگە كٸرٸستٸم. وسىندا سىرتتان كەلگەندەردٸڭ كٶبٸسٸ «ەڭ باستىسى جۇمىسقا تۇرسام بولدى, كٸم بولىپ ٸستەگەنٸم ماڭىزدى ەمەس» دەيدٸ. ياعني بالا كٷتۋشٸ, ٷي قىزمەتشٸسٸ, ىدىس جۋۋشى جەنە تاعى باسقا جۇمىستار. مەن ٶزٸمە بٸردەن كەڭسەدە جۇمىس ٸستەيتٸن بولامىن دەپ ماقسات قويدىم, كٶپ ۇزاماي جىلجىمايتىن مٷلٸك كومپانيياسىنا حاتشى بولىپ جۇمىسقا ورنالاستىم», - دەدٸ فاريدا عابباسوۆا.
سونداي-اق, جەرلەسٸمٸز نيۋ-يوركتە كەزدەستٸرگەن جٸگٸتٸنە تۇرمىسقا شىققان.
«جولداسىم يتالييالىق. تانىستىقتان كەيٸن كٶپ ۇزاماي جارتى جىلدىڭ ٸشٸندە وتاۋ قۇردىق. جۇمىس ٸستەپ جٷرٸپ, بالا كٷنگٸ ارمانىمدى ورىنداۋ ماقساتىندا سەن جەنە ديزاين ۋنيۆەرسيتەتٸنە وقۋعا تٷستٸم. وسى سالانى تەرەڭٸرەك تانۋ ٷشٸن, سەن ٷيٸ ديرەكتورىنىڭ كٶمەكشٸسٸ (اسسيستەنت) بولىپ جۇمىسقا تۇردىم. سول كەزدەن باستاپ كٷنٸ بٷگٸنگە دەيٸن سول جەردە جۇمىس ٸستەيمٸن. قازٸرگٸ كٷنٸ بٷكٸلەلەمدٸك تانىمال جەلٸ «Orient Craft LTD» كومپانيياسىنىڭ اقش-تاعى ٶكٸلدٸگٸنٸڭ جەتەكشٸسٸمٸن. بٸز H&M, ZARA جەنە تاعى باسقا تانىمال برەند كيٸمدەردٸڭ ديزاينىن جاسايمىز. كومپانييادا جۇمىس ٸستەپ جٷرٸپ, ماعان ٶز مەيرامحانامدى اشۋ يدەياسى كەلدٸ. 2015 جىلى مانحەتتەننەن عيمارات ساتىپ الىپ, ٶز مەيراحانامدى اشتىم, بۇل ٸسكە ٸنٸمدە كٶمەكتەستٸ. باسىندا بٸز تەك امەريكالىق اس مەزٸرٸن ۇسىنۋدى جٶن سانادىق, ول ٷشٸن ارنايى باس اسپاز جالدادىق, بٸزدٸڭ جالداعان باس اسپاز كەزٸندە بەلگٸلٸ اكتەر روبەرت دە نيروعا جۇمىس ٸستەگەن بولىپ شىقتى. دەگەنمەن ۋاقىت ٶتە كەلە ول ويدان باس تارتتىق. سەبەبٸ امەريكالىقتاردى ٶز اسحاناسىمەن تاڭ قالدىرا المايسىڭ, ونىڭ ٷستٸنە مۇندا بەسەكەلەستٸك جوعارى», - دەيدٸ ول.
ۋاقىت ٶتە كەلە وتانداسىمىز مەيرامحاناعا كەلگەن مەيماندارعا پالاۋ, مەنتٸ, سامسا تاعامدارىن ۇسىنا باستاعان.
«بٸر قىزىعى امەريكالىق اس مەزٸرٸنەن گٶرٸ, بٸزدٸڭ ورتاازييالىق تاعامدارعا دەگەن سۇرانىس ارتا باستادى. سونى بايقاعان بٸز, مەيرامحانانى ۋاقىتشا جٶندەۋگە جاۋىپ, 2018 جىلى تازا شىعىس اسحاناسى ەتٸپ, اتاۋىن «Farida» Central Asian Cuisine and Grill دەپ ٶزگەرتٸپ قايتا اشتىق. شىعىس اسحاناسىنا كٶشكەن سوڭ, بٸز شىعىس تاعامدارىن ەزٸرلەي الاتىن اسپازداردى ٸزدەدٸك, قازٸرگٸ كٷنٸ بٸزدٸڭ اسپازداردىڭ بارلىعى ورتالىق ازييا ەلدەرٸنٸڭ ٶكٸلدەرٸ. اس مەزٸرٸنە كەلسەك, ەرينە ەتتەن باستاپ, باۋىرساق, سٷتتٸ شەي بەرٸ بار. ۇلتتىق تاعامىمىزدى قولعا العان سەتتەن باستاپ, بٸزگە كەلۋشٸلەردٸڭ دە سانى ارتا باستادى. بٷگٸندە بٸزدٸڭ مەيرامحانادان جۇرتتار كەزەككە تۇرىپ تٷسكٸ نەمەسە كەشكٸ اس ٸشەدٸ», - دەدٸ ف. عابباسوۆا.
ونىڭ ايتۋىنشا, قازاقتىڭ ۇلتتىق تاعامدارىنىڭ دەمٸن تاتقان شەتەلدٸكتەر قازاقستانعا قىزىعۋشىلىق تانىتىپ, تۋريست رەتٸندە بارعىسى كەلەدٸ ەكەن.
«قازاقستانعا بارىپ كەلگەن امەريكالىقتار «ەلدەرٸڭٸزدە بولدىق, تاعامدارى ٶتە دەمدٸ» دەپ ىقىلاسىن بٸلدٸرٸپ, بٸزدەن تاماقتانىپ تۇرادى. ال ەلٸمٸزدە بولىپ كٶرمەگەن بٸراق بٸزدٸڭ ۇلتتىق تاعامنىڭ دەمٸن تاتىپ كٶرگەن امەريكالىقتار قازاقستاندى كٶرۋدٸ ارماندايدى. ودان بٶلەك, اتاقتى جەرلەستەرٸمٸز گەنناديي گولوۆكين مەن ديماش قۇدايبەرگەننٸڭ جانكٷيەرلەرٸ بٸزگە كەلٸپ تاماقتانادى. ديماشتىڭ نيۋ-يوركتەگٸ كونتسەرتٸنەن سوڭ قىزىق وقيعا بولدى. ونىڭ وسىنداعى جانكٷيەرلەرٸ بٸزدٸڭ مەيرامحاناعا ارنايى كەلٸپ, ديماشتىڭ جەنە جالپى قازاق حالقىنىڭ قانداي تاعام جەيتٸنٸن سۇراپ, ٶزدەرٸ دە سول اسقا تاپسىرىس بەردٸ. تٸپتٸ ولار ٷشٸن تەلەديداردان ارنايى ديماشتىڭ كونتسەرتٸن قوسىپ قويدىق», - دەيدٸ اقش-تاعى جەرلەسٸمٸز.
جەرلەسٸمٸزدٸڭ سٶزٸنە سەنسەك, قازاقتىڭ ۇلتتىق تاعامىن ۇسىناتىن مانحەتتەن (نيۋ-يورك) تٶرٸندەگٸ مەيرامحانا قالاداعى ٷزدٸك توپ-20 مەيرامحانا قاتارىنا كٸرەدٸ.
«جۋىردا ٷلكەن تاپسىرىس الدىق. ناقتى ايتقاندا, وسى اقپان ايىندا لوس-اندجەلەستەن امەريكالىق ستۋدەنتتەر توبى كەلەدٸ. بەلگٸلٸ بولعانداي, ستۋدەنتتەر ورتالىق ازييا حالىقتارىنىڭ تٶل مەدەنيەتٸن زەرتتەۋدە. ونىڭ ٸشٸندە قازاقستاندا بار. ستۋدەنتتەر بٸزدٸڭ مەيرامحانا تۋرالى بٸلٸپ, قازاقتىڭ ۇلتتىق مەدەنيەتٸمەن قاتار, اسحاناسىمەن تانىسۋ ماقساتىندا كەلە جاتىر», - دەيدٸ ول.
سونىمەن قاتار, ف. عابباسوۆا ٶزگە ەلدە ٶز ٸسٸن اشقىسى كەلەتٸن جاندار ٷشٸن كەڭەسٸن ايتىپ, بولاشاققا جوسپارىمەن بٶلٸستٸ.
«بٸزدٸڭ العا قويعان ماقسات-جوسپارىمىز كٶپ, اتاپ ايتساق جۋىردا نيۋ-يوركتە ەكٸنشٸ مەيرامحانا اشقالى جاتىرمىز. سەبەبٸ بٸزدٸڭ تۇراقتى تۇتىنۋشىلارىمىزدىڭ سانى كٷن ساناپ ارتۋدا, سوندىقتان ەكٸنشٸ ورىندى اشقىمىز كەلەدٸ. ودان بٶلەك, اقش بويىنشا فرانشيزا اشۋدى جوسپارلاپ وتىرمىز, بٸزدٸڭ ماقسات – ەل نارىعىن تٷگەل قامتۋ. ال شەت ەلدە ٶز كەسٸبٸن دٶڭگەلەتكٸسٸ كەلەتٸن ازاماتتارعا ايتارىم, سٸز ۇسىناتىن ٶنٸم نەمەسە تاۋار ەرەكشە بولۋى قاجەت. سەبەبٸ سٸز قازٸر نارىقتا بار دٷنيەنٸ ۇسىنساڭىز, وعان ەشكٸم قىزىقپايدى. سونىمەن قاتار, ەرەكشە ٸسٸڭٸزدٸڭ ٷزدٸگٸ بولۋىڭىز كەرەك», - دەپ اتاپ ٶتتٸ ول.
