بٷگٸن پالاتا سپيكەرٸ نۇرلان نىعماتۋليننٸڭ تٶراعالىعىمەن مەجٸلٸس بيۋروسى ٶتٸپ, وندا الداعى جالپى وتىرىستىڭ كٷن تەرتٸبٸ ناقتىلاندى, دەپ حابارلايدى "ۇلت اقپارات" مەجٸلٸستٸڭ باسپاسٶز قىزمەتٸنە سٸلتەمە جاساپ.
بيۋرو وتىرىسىندا دەپۋتاتتار قاراۋىنا بٸرقاتار راتيفيكاتسييالىق زاڭ جوبالارى ۇسىنىلدى. اتاپ ايتقاندا, «مەملەكەتارالىق ستاندارتتاۋ جٶنٸندەگٸ قۇجاتتاردى تاراتۋ تۋرالى كەلٸسٸمدٸ راتيفيكاتسييالاۋ تۋرالى» زاڭ جوباسى. بۇل كەلٸسٸمدٸ قابىلداۋ مەملەكەتارالىق ستاندارتتاۋ بويىنشا قولدانىلاتىن قۇجاتتاردىڭ دۇرىستىعى مەن ٶزەكتٸلٸگٸن, تمد-قا قاتىسۋشى مەملەكەتتەردٸڭ ۇلتتىق ستاندارتتاۋ جٷيەلەرٸنٸڭ شىعىندارىن جابۋدى قامتاماسىز ەتەدٸ.
الداعى جالپى وتىرىستا دەپۋتاتتار تمد قاتىسۋشى مەملەكەتتەردٸڭ باس بوستاندىعىنان ايىرۋمەن بايلانىستى ەمەس جازالاردى ورىنداۋدى بەرۋ تۋرالى كونۆەنتسييانى راتيفيكاتسييالاۋ, سونداي-اق, «2011 جىلعى 22 ماۋسىمداعى كەدەن وداعىنا مٷشە مەملەكەتتەردٸڭ كەدەن قىزمەتتەرٸنٸڭ بٸرٸككەن القاسى تۋرالى شارتقا ٶزگەرٸستەر ەنگٸزۋ تۋرالى حاتتامانى راتيفيكاتسييالاۋ تۋرالى» زاڭ جوبالارىن قارايدى.
