كەسٸپتٸك ستاندارتتار مٸندەتتٸ تٷردە دۋالدى وقىتۋ جٷيەسٸندە پايدالانىلۋعا تيٸس. بۇل تۋرالى بٷگٸن قر ەڭبەك جەنە حالىقتى ەلەۋمەتتٸك قورعاۋ مينيسترٸ بٸرجان نۇرىمبەتوۆ ايتتى, دەپ حابارلايدى قازاقپارات.
«بٷگٸنگٸ تاڭداعى ٶزەكتٸ مەسەلەنٸڭ بٸرٸ – بولاشاق تٷلەكتٸڭ ەڭبەك نارىعىندا سۇرانىسقا يە بولۋى. بٸزدٸڭ الداعى مٸندەتٸمٸز – بٸلٸم جەنە عىلىم مينيسترلٸگٸمەن بٸرلەسٸپ كادر دايارلاۋ جٷيەسٸن جۇمىس بەرۋشٸلەردٸڭ تالاپتارىنا بەيٸمدەۋ جەنە كەسٸپتٸك ستاندارتتار نەگٸزٸندە بٸلٸم بەرۋ باعدارلامالارىن ەزٸرلەۋدٸ باستاۋ. بۇل رەتتە كەسٸپتٸك ستاندارتتار مٸندەتتٸ تٷردە دۋالدىق وقىتۋ جٷيەسٸندە پايدالانىلۋى تيٸس. سونىمەن قاتار, جۇمىسكەرلەردٸ سەرتيفيكاتتاۋ جەنە بٸلٸكتٸلٸگٸن راستاۋ - ماڭىزدى مەسەلەنٸڭ بٸرٸ بولىپ وتىر», - دەدٸ مينيستر قر پرەمەر-مينيسترٸ اسقار ماميننٸڭ تٶراعالىعىمەن ٶتكەن كەسٸپتٸك ستاندارتتار ەزٸرلەۋ مەسەلەلەرٸ جٶنٸندەگٸ ۇلتتىق كەڭەس وتىرىسىندا.
ونىڭ اتاپ ٶتۋٸنشە, بٷگٸنگٸ كٷنٸ مامانداردى سەرتيفيكاتتاۋ جۇمىسى جەكە-جەكە جٷرگٸزٸلەدٸ. سەرتيفيكاتتاۋ ورتالىقتارىنا بٸرىڭعاي تالاپتار قويىلماعان جەنە بٸلٸكتٸلٸكتٸ تانۋ تەرتٸبٸ بەكٸتٸلمەگەن. جالپى ەدٸسنامالىق قۇرالدار جوق. وسىنىڭ بەرٸ قازاقستاندا بٸلٸكتٸلٸكتٸ تانۋدى قيىنداتىپ وتىر.
«مينيسترلٸك بٸرىڭعاي سەرتيفيكاتتاۋ جەنە بٸلٸكتٸلٸكتٸ تانۋ جٷيەسٸنە كٶشۋدٸ قامتاماسىز ەتۋ بويىنشا جۇمىستى باستادى. مەملەكەتتٸك ورگاندار مەن سالالىق قاۋىمداستىقتار بەرگەن ۇسىنىستار نەگٸزٸندە رەتتەلەتٸن كەسٸپتەر تٸزٸلٸمٸنٸڭ جوباسى ەزٸرلەنٸپ, وعان شامامەن 43 كەسٸپ ەنگٸزٸلدٸ. سونىمەن قاتار, ۇلتتىق بٸلٸكتٸلٸك جٷيەسٸن باسقارۋدىڭ 3 ساتىلى مودەلٸن قالىپتاستىرۋ مەسەلەسٸ پىسىقتالۋدا. اتاپ ايتقاندا: بٸلٸكتٸلٸك جٶنٸندەگٸ ۇلتتىق كەڭەس; ۇلتتىق بٸلٸكتٸلٸك ورگانى, سالالىق كەڭەستەر. بۇلاردى نورماتيۆتٸك تۇرعىدان بەكٸتۋ جٶنٸندە ۇسىنىستار ٷكٸمەتكە وسى جىلدىڭ سوڭىنا دەيٸن ەنگٸزٸلەدٸ», - دەدٸ بٸرجان نۇرىمبەتوۆ.
