42 500 تەڭگەگە ٶتٸنٸش بەرگەندەردٸڭ ٸشٸندە ٶمٸرٸندە ەشقاشان بانكتە ەسەپشوت اشپاعان ادامدار بار. بۇل تۋرالى ورتالىق كوممۋنيكاتسييالار قىزمەتٸندە ٶتكەن ونلاين بريفينگتە ايتىلدى, دەپ حابارلايدى "ۇلت اقپارات".
«ٶتٸنٸش بەرگەن ادامدارعا 42 500 تەڭگەنٸ اۋدارۋىمىز كەرەك, سوندىقتان ٶتٸنٸش بەرگەن كەزدە ەسەپشوتتى كٶرسەتۋ كەرەك. ٶتٸنٸش بەرگەندەردٸڭ ٸشٸندە ٶمٸرٸندە ەشقاشان ەسەپشوت اشپاعان ادامدار بار. ولار ٶتٸنٸش تولتىرعان كەزدە ەسەپشوتتى كٶرسەتۋٸ كەرەك, بٸراق ولار ٶتٸنٸش جٸبەرٸپ ٷلگەرمەي قالماس ٷشٸن ەسەپشوت اشۋ ماقساتىندا بانكتەرگە جٷگٸنٸپ جاتىر. وسىعان بايلانىستى 1-2 كٷندە مىناداي ٶزگەرٸس ەنگٸزەمٸز: ٶتٸنٸش بەرگەن كەزدە بانكتە شوتىڭىز بولماسا, شوتتى كٶرسەتەتٸن جەرگە ەشتەڭە كٶرسەتپەيسٸز. تالاپقا ساي بولعان جاعدايدا سٸزگە 42 500 تەڭگە تاعايىنداپ, سٸز ەسەپشوت اشقانشا 1 اي كٷتەمٸز. ەسەپشوتتى اشقاننان كەيٸن سٸزگە تٶلەمدٸ اۋدارامىز. ٶتٸنٸشٸڭٸزدٸ جٸبەرٸپ قويىپ, ەسەپشوتىڭىزدى اسىقپاي الۋعا بولاتىن جاعداي قاراستىرىپ جاتىرمىز. بۇل 1-2 كٷندە شەشٸلەدٸ», - دەيدٸ قر ەڭبەك جەنە حالىقتى ەلەۋمەتتٸك قورعاۋ مينيسترٸ بٸرجان نۇرىمبەتوۆ.
ول بانكتەرگە ٷندەۋ جاساعىسى كەلەتٸنٸن ايتتى.
«بارلىق بانككە ايتارىم, وسىنداي قيىن كەزەڭدە بٸز سەكٸلدٸ حالىقتىڭ ٶتٸنٸشٸن بٸر تەرەزەدەن – قاشىقتان قابىلداپ, ولاردىڭ مەلٸمەتتەرٸن الىپ, ەسەپشوتىن ەنگٸزٸپ, كارتوچكاسىن ەزٸرلەپ, ٷيٸنە جەتكٸزٸپ بەرۋگە بولادى. قازٸر قازپوشتا دا, حالىق بانكٸ دە سونىمەن اينالىسىپ جاتىر. باسقا بانكتەردٸ دە بٸزبەن بٸرلەسٸپ, حالىققا كٶمەكتەسۋ ماقساتىندا وسىنداي ەرەكەت جاساۋعا شاقىرامىن», - دەيدٸ ول.
