قر تۇڭعىش پرەزيدەنتٸ تٷركٸستانداعى «كەرۋەن-ساراي» تۋريستٸك كەشەنٸنٸڭ جۇمىسىمەن تانىستى, دەپ حابارلايدى "ۇلت اقپارات".
«ەلباسى «كەرۋەن-ساراي» بەلگٸلٸ تۋريستٸك كەشەنٸنٸڭ جۇمىسىمەن تانىستى. نۇرسۇلتان نازارباەۆ «التىن سامۇرىق» ۇشاتىن تەاترعا بارىپ, «قىز قۋۋ» جەنە سۋ ٷستٸندەگٸ تەاترلاندىرىلعان شوۋدى تاماشالادى», - دەپ مەلٸم ەتتٸ ەلباسىنىڭ باسپاسٶز حاتشىسى ايدوس ٷكٸباي.
بٸر شاقىرىمعا سوزىلعان كەشەندە تٶرت مىڭ ادام جۇمىس ٸستەيدٸ. جوباعا سالىنعان ينۆەستيتسييا كٶلەمٸ – 87 ملرد تەڭگە. ەرەكشە ستيلدە سالىنعان نىسان ۇلى جٸبەك جولىنداعى ساۋدانى ەلەستەدٸ. مۇندا قوناق ٷيلەر, مەيرامحانالار, فۋد-كوردتار, شىعىس بازارى, قولٶنەرشٸلەر كٶشەسٸ سەكٸلدٸ ساۋدا جەنە ويىن-ساۋىق ورتالىقتارى بار. كەشەن ٸشٸندەگٸ ساۋدا نىساندارى مەن ويىن-ساۋىق ورتالىقتارىن سۋ ارناسى بٸرٸكتٸرەدٸ. قايىققا وتىرىپ كەز كەلگەنٸنە جٷزٸپ بارۋعا بولادى. سوندىقتان «كەرۋەن-سارايدى» «قازاقستانداعى ۆەنەتسييا» دەپ اتايدى.
الىپ كەشەننٸڭ جوباسىن «Turkistan Tourism City» كومپانيياسى ٸسكە اسىرعان. كەشەن قۇرىلىسى 2019 جىلى جەلتوقسان ايىندا باستالىپ, نىسان 20,5 گا اۋماقتا ورنالاسقان. كەشەنگە جٸبەك جولى دەۋٸرٸندەگٸ ساۋداگەرلەر مەن قولٶنەرشٸلەر كٶشەسٸ, «ۇشاتىن تەاتر», ات شوۋىن ٶتكٸزۋگە ارنالعان امفيتەاتر, شىعىس بازارى, ساۋدا سٶرەلەرٸ مەن بۋتيكتەر, قوناق ٷيلەر مەن مەيرامحانالار, سپا جەنە فيتنەس-ورتالىق, كينوتەاتر, وتباسىلىق ويىن-ساۋىق ورتالىعى كٸرەدٸ.
بۇل رەتتە, بارلىق قۇرىلىمدار سۋ ارناسى ارقىلى بايلانىستىرىلعان, وندا سۋداعى «قايىق شەرۋٸ» تەاترلاندىرىلعان شوۋى ٶتكٸزٸلەدٸ. «كەرۋەن-ساراي» كەشەنٸنٸڭ ورتالىق ازييادا بالاماسى جوق جەنە ول قوجا احمەت ياساۋي كەسەنەسٸنەن كەيٸن ٶڭٸرگە تۋريستەر مەن ينۆەستيتسييالاردى تارتاتىن باستى ورتالىققا اينالادى دەپ كٷتٸلۋدە. جٸبەك جولىنىڭ تاريحي ساۋدا كٶشەسٸن قۇرۋ ەسەبٸنەن تۋريستەردٸ تارتۋ جەنە تۋريزمدٸ, سونداي-اق شاعىن جەنە ورتا بيزنەستٸ دامىتۋ جوسپارلانعان. قازٸر وسىناۋ كەشەندٸ كٶرسەم, تاريحىمەن تانىسسام دەپ كٶرشٸ مەملەكەتتەردەن, ەل ٸشٸنەن تۋريستەر كٶپتەپ كەلۋدە.
