بٸر ەلدٸڭ نەمەسە ايماقتىڭ عانا ەمەس, تۇتاس ادامزاتتىڭ كەلەشەگٸ بٷگٸنگٸ ەمتيحاندى قالاي ٶتكەنٸمٸزگە بايلانىستى بولماق. Astana Club وتىرىسىندا قر تۇڭعىش پرەزيدەنتٸ نۇرسۇلتان نازارباەۆ وسىلاي دەدٸ, دەپ حابارلايدى قازاقپارات.
«بٷكٸل ەۋرازييادا قاۋٸپسٸزدٸك پەن تۇراقتىلىقسىز ەشكٸم دە ۇزاق مەرزٸمدٸ دامۋعا قول جەتكٸزە المايتىنىن قازاقستان ۇعىپ وتىر. سول سەبەپتٸ بٷگٸنگٸ جاعدايدا قۇرلىقتاعى بارلىق ەلدەر تار ايماقشىلىققا, بلوكتىق ويلامعا بەرٸلمەي, ەۋرازييالىق اۋقىمدى ساناتتا ويلانۋى تيٸس. تەك وسىلاي عانا ەۋرازييالىق سۋبقۇرلىق ٶزٸنە تەن ەلەۋەتتٸ ٸسكە اسىرا الادى. دەل وسى رەتتە بٸزدٸڭ كلۋب ٷلكەن ەۋرازييا اتتى جاڭا گەوساياي قۇرىلىمدا بٸرىڭعاي الاڭ بولىپ وتىرعانى قۋانتادى», - دەدٸ نۇرسۇلتان نازارباەۆ Astana Club وتىرىسىندا.
ەلباسى ەيگٸلٸ ويشىل ارنولد توينبيدٸڭ سٶزٸن كەلتٸردٸ.
«تاريحتىڭ سىن-تەگەۋرٸنٸنە قارسى تاپقان جاۋاپتارىنا قاراي ەربٸر قوعام دامىپ, جەڭٸپ كەلەدٸ. تاريح – قاتال ەكزامەناتور. كٶپ ەل بۇرىس نەمەسە ورىنسىز ەرەكەتٸ ٷشٸن جاۋاپ بەرگەن. بٸر ەلدٸڭ نەمەسە ايماقتىڭ عانا ەمەس, تۇتاس ادامزاتتىڭ كەلەشەگٸ بٷگٸنگٸ سىناقتى قالاي ٶتكەنٸمٸزگە بايلانىستى بولماق. تەك كٷش بٸرٸكتٸرۋ ارقىلى عانا جاڭا قاۋٸپتەر مەن تەگەۋرٸندەرگە قارسى تۇرا الامىز», - دەدٸ نۇرسۇلتان نازارباەۆ.
