نۇرسۇلتان نازارباەۆ حالىقارالىق ەۋەجايىنىڭ جاڭا كودى ٸسكە قوسىلدى, دەپ حابارلايدى قازاقپارات.
بارلىق برونداۋ جٷيەلەرٸندە, وتىرعىزۋ تالوندارىندا, باگاج بيركالارىندا جەنە اقپاراتتىق تابلودا جاڭا NQZ كودى ەنگٸزٸلدٸ.
«ەۋەجاي كودىن اۋىستىرۋ جۇمىستارى 2014 جىلدان بەرٸ جٷرگٸزٸلدٸ. IATA ۇيىمىنىڭ نەگٸزگٸ تالابى - ەۋەجايلارعا بٸر رەت تۇراقتى كود بەرۋ ەدٸ. قازاقستاندىق ەۋە تاسىمالداۋشىلارمەن ٷلكەن كەلٸسسٶزدەر جٷرگٸزٸلدٸ. نۇر-سۇلتانعا جولاۋشىلار تاسىمالدايتىن بارلىق ەۋە كومپانييالارى بۇل ۇسىنىستى قولدادى. بٸرلەسكەن كٷش-جٸگەر ارقىلى ٶتكەن جىلى شەشٸم قابىلداندى. العاشىندا نۇر-سۇلتان قالاسىنىڭ كودىن ٶزگەرتۋگە ەرەكەت ەتتٸك. كەيٸن تۇتاس IATA مەحانيزمٸن ٶزگەرتۋگە كٷش سالدىق. ٶيتكەنٸ, قازاقستان عانا ەمەس, بٸرنەشە تمد ەلدەرٸ كود ٶزگەرتۋگە سۇرانىس بٸلدٸرۋدە. ۇزاق جىلدار بويى كودىن ٶزگەرتە الماي جٷرگەن قالالار بار. سوندىقتان, تۇتاس IATA قارارىن ٶزگەرتۋ باستاماسىن ۇسىندىق», - دەدٸ قر ييدم ازاماتتىق اۆياتسييا كوميتەتٸنٸڭ تٶراعاسى تالعات لاستاەۆ ەۋەجايداعى رەسمي تانىستىرىلىمدا.
سپيكەردٸڭ ايتۋىنشا, مۇندا دا بٸرنەشە جۇمىس كەزەڭ-كەزەڭٸمەن اتقارىلدى.
«ارنايى الگوريتم بويىنشا ٶتٸنٸمدٸ الدىمەن IATA قارايدى. ودان كەيٸن ۇيىم قۇرامىنا كٸرەتٸن ەۋە تاسىمالداۋشىلار قاراستىرادى. بارلىعى ماقۇلداپ, كەلٸسٸم بەردٸ. شەشٸم بٸرنەشە اي بۇرىن بەكٸتٸلٸپ, حابارلاما جٸبەرٸلدٸ. ال بٷگٸن رەسمي ەنگٸزٸلدٸ. 8 ماۋسىمنان باستاپ بارلىق برونداۋ جٷيەلەرٸندە, وتىرعىزۋ تالوندارىندا, باگاج بيركالارىندا جەنە اقپاراتتىق تابلودا جاڭا NQZ كودى كٶرسەتٸلەدٸ», - دەدٸ ت. لاستاەۆ.
