قازاقستاننىڭ تۇڭعىپ پرەزيدەنتٸ, ەلباسى نۇرسۇلتان نازارباەۆ قازاقستاندىقتاردى جەڭٸستٸڭ 75 جىلدىعىمەن قۇتتىقتادى, - دەپ حابارلاندى ەلباسىنىڭ رەسمي سايتىندا.
«قادٸرلٸ وتانداستار! ارداقتى ارداگەرلەر! بارشاڭىزدى ۇلى جەڭٸستٸڭ 75 جىلدىعىمەن شىن جٷرەكتەن قۇتتىقتايمىن!
9 مامىر – ەردايىم بەرٸمٸزدٸڭ مەرەيٸمٸزدٸ ٷستەم ەتەتٸن كٷن.
بۇل كٷنٸ بٸز ادامزات تاريحىنداعى ەڭ سۇراپىل سوعىستا جەڭٸسكە جەتكەن باتىرلاردى ەرەكشە قۇرمەتپەن ەسكە الامىز.
مايدان دالاسىنداعى جاۋىنگەرلٸك ەرلٸك پەن تىلداعى قاجىرلى ەڭبەككە تاعزىم ەتەمٸز.
بۇل – ناعىز باتىلدىقتىڭ, ەسكەري داڭق پەن پاتريوتيزمنٸڭ مەرەكەسٸ.
بارشاڭىزعا بەلگٸلٸ, جەڭٸس بٸزگە وڭايعا تٷسكەن جوق.
كەلەر ۇرپاقتىڭ باقىتتى ەرٸ بەرەكەلٸ عۇمىرى ٷشٸن ميلليونداعان ادام فاشيزمدٸ جەڭۋ جولىندا جانىن پيدا ەتتٸ.
ورتاق ٸسكە قازاقستاننىڭ قوسقان ٷلەسٸ زور.
ەلٸمٸزدٸڭ ەربٸر بەسٸنشٸ تۇرعىنى مايدانعا اتتاندى.
ولاردىڭ كٶبٸ سوعىس دالاسىنان ورالعان جوق.
قازاقستاندىقتار ەرەن ەرلٸك پەن بەكەم بٸرلٸكتٸڭ جارقىن ٷلگٸسٸن كٶرسەتتٸ.
جاۋجٷرەك اتالارىمىز برەست قامالىن, مەسكەۋدٸ, لەنينگرادتى قورعاۋعا بارىن سالىپ, ستالينگراد, كۋرسك شايقاستارىندا, جاۋ باسىپ العان اۋماقتاردى ازات ەتۋدە جانقييارلىقپەن سوعىستى.
بەرليندەگٸ رەيحستاگقا جەڭٸس تۋىن تٸكتٸ.
500-گە جۋىق قازاقستاندىق كەڭەس وداعىنىڭ باتىرى اتاعىنا يە بولدى», - دەلٸنگەن قۇتتىقتاۋدا.
