1 تامىز كٷنٸ ٶتكەن اتىراۋ وبلىسى ەكٸمدٸگٸ مەجٸلٸسٸنٸڭ وتىرىسىندا كەسٸپكەرلٸكتٸ جەنە اۋىلشارۋاشىلىق باسقارماسى مەملەكەتتٸك قولداۋ ارقىلى قۇرىلعان شارۋاشىلىقتاردا قانشا جۇمىس ورنى اشىلدى دەگەن سۇراققا جاۋاپ بەرە المادى.
ساۋالىنا جاۋاپ الا الماعان ايماق باسشىسى باسقارمالار اراسىندا بايلانىستىڭ جوقتىعىن ايتىپ, قاراماعىنداعىلاردى سٶكتٸ.
- اشىلعان جۇمىس ورنى تۋرالى اقپاراتتى بەرٸڭٸز بٸلٸپ وتىرۋىڭىز كەرەك, - دەدٸ ەكٸم. – جاۋاپكەرشٸلٸكتەن قاشىپ, جۇمىستارىڭىزدىڭ اياسىن شەكتەپ وتىرسىزدار. ەربٸر باسقارما بٶلەك ەلەمدە ٶمٸر سٷرٸپ جاتقانداي. بيۋدجەتتەن بٶلٸنگەن اقشانىڭ باستى ماقساتى – جۇمىس ورىندارىن اشۋ. كەسٸپكەرلٸك باسقارماسى اقشانىڭ قالاي جۇمسالىپ جاتقانىن بٸلمەسە, جۇمىس ورنىمەن قامتۋ باسقارماسى قانشا جۇمىس ورنىنىڭ اشىلىپ جاتقانىن بٸلمەسە, اۋىل شارۋاشىلىق باسقارماسى ٶز الدىنا حابارسىز بولسا, نە ٷشٸن جۇمىس ٸستەپ جاتىرمىز? بٸزدٸڭ ماقساتىمىز اقشا بٶلۋ ەمەس, جۇمىس ورنىن اشۋ, ەكونوميكانى دامىتۋ. بٶلٸنگەن اقشانىڭ قالاي پايدالانىلىپ جاتقانىن قاداعالاۋ كەرەك. باسقارمالار اراسىندا بايلانىس بولسىن, - دەدٸ نۇرلان نوعاەۆ.
ايماق باسشىسى, ايتىلعانداردى ەسكەرە وتىرىپ, اشىلعان جوبالاردىڭ جۇمىسىن جٸتٸ باقىلاپ وتىرۋدى تاپسىردى. سونىمەن قاتار, باسقارمالار اراسىندا تىعىز بايلانىستىڭ بولۋىن قاداپ ەسكەرتتٸ.
ايتا كەتەلٸك, سوڭعى 4 جىلدا اتىراۋ وبلىسىندا اۋىل شارۋاشىلىعىن قارجىلاي قولداۋ قورى ارقىلى جەرگٸلٸكتٸ بيۋدجەتتەن 807 ميلليون تەڭگە بٶلٸندٸ. بۇل قارجى شارۋالارعا جىلدىق مٶلشەرلەمەسٸ 7 پايىز بولاتىن قايتارىمدى نەسيە تٷرٸندە بەرٸلدٸ. نەتيجەسٸندە قازٸر 163 جوبا ماقۇلدانىپ وتىر.
"ۇلت اقپارات"
