فوتو: اشىق دەرەككٶز
بەلگٸلٸ كٷيشٸ, سازگەر نۇرعيسا تٸلەنديەۆتٸڭ جارى, اكتريسا داريعا تٸلەنديەۆا دٷنيەدەن وزدى, دەپ حابارلايدى Ult.kz.
سۋىت حاباردى قۇرمانعازى اتىنداعى قازاق ۇلتتىق حالىق اسپاپتار وركەسترٸنٸڭ باسپاسٶز قىزمەتٸ جارييالادى.
"قازاقستاننىڭ ەڭبەك سٸڭٸرگەن ارتيسٸ, تالانتتى اكتريسا, كٷيشٸ, سازگەر, حالىق قاھارمانى نۇرعيسا تٸلەنديەۆتٸڭ جارى داريعا تٸلەنديەۆانىڭ ٶمٸردەن وزۋىنا بايلانىستى قايعىرا كٶڭٸل ايتامىز. داريعا تٸلەنديەۆا ۇلتتىق مەدەنيەتٸمٸزدٸڭ دامۋىنا سٷبەلٸ ٷلەس قوسقان كٶرنەكتٸ ٶنەر يەسٸ. ول حالىق قاھارمانى, كٷيشٸ-كومپوزيتور نۇرعيسا تٸلەنديەۆتٸڭ ٶمٸرلٸك جارى عانا ەمەس, سازگەردٸڭ شىعارماشىلىق مۇراسىن ساقتاپ, كەيٸنگٸ ۇرپاققا جەتكٸزگەن تۇلعا بولدى. داريعا تٸلەنديەۆا "قازاقفيلم" كينوستۋديياسىندا تٷسٸرٸلگەن "التى جاسار الپامىس", "قۇلاگەر", "اق ماشينا", "جامبىلدىڭ جاستىق شاعى", "قوشتاسقىم كەلمەيدٸ" سىندى كٶركەم فيلمدەرٸ ارقىلى, ۇلتتىق كينو ٶنەرٸندە ٶشپەس ٸز قالدىردى. ونىڭ ٶنەرٸ مەن رۋحاني مۇراسى قازاق حالقىنىڭ جٷرەگٸندە مەڭگٸ ساقتالادى", – دەپ جازدى وركەستر ۇجىمى.
