Foto: ashyq derekkóz
Belgili kúishi, sazger Nurǵisa Tilendievtiń jary, aktrisa Dariǵa Tilendieva dúnieden ozdy, dep habarlaidy Ult.kz.
Sýyt habardy Qurmanǵazy atyndaǵy Qazaq ulttyq halyq aspaptar orkestriniń baspasóz qyzmeti jariialady.
"Qazaqstannyń eńbek sińirgen artisi, talantty aktrisa, kúishi, sazger, Halyq qaharmany Nurǵisa Tilendievtiń jary Dariǵa Tilendievanyń ómirden ozýyna bailanysty qaiǵyra kóńil aitamyz. Dariǵa Tilendieva ulttyq mádenietimizdiń damýyna súbeli úles qosqan kórnekti óner iesi. Ol Halyq qaharmany, kúishi-kompozitor Nurǵisa Tilendievtiń ómirlik jary ǵana emes, sazgerdiń shyǵarmashylyq murasyn saqtap, keiingi urpaqqa jetkizgen tulǵa boldy. Dariǵa Tilendieva "Qazaqfilm" kinostýdiiasynda túsirilgen "Alty jasar Alpamys", "Qulager", "Aq mashina", "Jambyldyń jastyq shaǵy", "Qoshtasqym kelmeidi" syndy kórkem filmderi arqyly, ulttyq kino ónerinde óshpes iz qaldyrdy. Onyń óneri men rýhani murasy qazaq halqynyń júreginde máńgi saqtalady", – dep jazdy orkestr ujymy.
