فوتو: اشىق دەرەككٶز
نۇراي سەرٸكبايدىڭ ٶلٸمٸنە قاتىستى ٸس ەندٸ قىلمىستىق كودەكستٸڭ 99-بابى 2-بٶلٸگٸ 5-تارماعى — «اسا قاتىگەزدٸكپەن ادام ٶلتٸرۋ» بويىنشا قارالاتىن بولدى. بۇل تۋرالى مارقۇمنىڭ ادۆوكاتى ايانحان وماروۆ مەلٸمدەدٸ, دەپ حابارلايدى Ult.kz.
اتالعان باپقا سەيكەس, كٷدٸكتٸ 15 جىلدان 20 جىلعا دەيٸن نەمەسە ٶمٸر بويىنا باس بوستاندىعىنان ايىرىلۋى مٷمكٸن. بۇعان دەيٸن قىلمىستىق ٸس قىلمىستىق كودەكستٸڭ 99-بابىنىڭ 1-بٶلٸگٸ — «ادام ٶلتٸرۋ» دەرەگٸ بويىنشا تەرگەلگەن ەدٸ.
قازٸرگٸ تاڭدا كٷدٸكتٸگە بٸردەن ٷش باپ بويىنشا ايىپ تاعىلىپ وتىر. اتاپ ايتقاندا:
- - 99-باپتىڭ 2-بٶلٸگٸ 5-تارماعى — اسا قاتىگەزدٸكپەن ادام ٶلتٸرۋ;
- - 125-1-باپ — نەكەگە تۇرۋعا مەجبٷرلەۋ;
- - 115-1-باپ — ستالكينگ.
ايتا كەتەيٸك, 11 قاڭتار كٷنٸ كەشكٸ ۋاقىتتا شىمكەنت قالاسىندا 21 جاستاعى نۇراي سەرٸكباي كٸسٸ قولىنان قازا تاپقان. كٷدٸكتٸ رەتٸندە ونىڭ تانىسى ۇستالعان.
