فوتو: ٸٸم
شىمكەنتتە 21 جاستاعى ستۋدەنت نۇراي سەرٸكبايدىڭ ٶلٸمٸنە كٷدٸكتٸ پسيحيكالىق ورتالىققا اۋىستىرىلعان. مارقۇمنىڭ تۋىستارى شەشٸمگە كٷمەن كەلتٸرٸپ, كٷدٸكتٸنٸڭ “جىندى” دەپ تانىلۋى جازادان قۇتىلۋدىڭ امالى بولۋى مٷمكٸن ەكەنٸن ايتادى, دەپ حابارلايدى Ult.kz ينفورمبيۋرو باعدارلاماسىنا سٸلتەمە جاساپ.
نۇراي سەرٸكبايدى ايۋاندىقپەن ٶلتٸردٸ دەگەن كٷدٸكتٸ پسيحيكالىق ورتالىققا جاتقىزىلدى. بۇل تۋرالى مارقۇمنىڭ جاقىندارى مەلٸمدەدٸ. ولار ساپ-ساۋ ادامنىڭ اياق استى جىندى بولىپ قالۋى جازادان سىتىلىپ كەتۋدٸڭ امالى دەپ توپشىلايدى.
مارقۇم نۇرايدىڭ اعاسى سۇلتان سەرٸكباي مەديتسينالىق انىقتاما بەرگەن دەرٸگەرلەردٸ تەكسەرۋ كەرەك دەپ تالاپ ەتتٸ.
"بٸرٸنشٸسٸ شىمكەنتتە قارالعان ەدٸ. سونداعى انىقتامادا پسيحيكالىق اۋىتقۋى بايقالعان دەپ جازىپ بەرگەن. بٸز وعان سەنبەي, الماتىعا ساراپتاما تالاپ ەتتٸك, ول جاققا باردى كٷدٸكتٸ, ول جاقتا دا وسىنداي انىقتاما بەردٸ. ەندٸ بۇل جەردە سيمۋلياتسييانىڭ ماكسيمالدى بەلگٸلەرٸ كٶرٸنٸپ تۇر. ٶيتكەنٸ قىلمىسكەر كەدٸمگٸ ورتادا ٶمٸر سٷرٸپ جٷرگەن ادام, كەدٸمگٸ ساۋ ادام. ەستٸگەنٸم بويىنشا قازٸر قىلمىسكەر شىمكەنت قالاسىندا ەمەس. ول تالعارداعى پسيحيكالىق ەمدەۋ ورتالىعىندا", – دەدٸ سۇلتان سەرٸكباي.
ەزٸرگە قۇزىرلى ورگان ٶكٸلدەرٸ وسى جايتقا قاتىستى رەسمي اقپارات تاراتقان جوق.
ەسكە سالايىق, قاڭتار ايىندا شىمكەنتتە 21 جاستاعى ستۋدەنتتٸ جاس جٸگٸت اسقان قاتٸگەزدٸكپەن پىشاقتاپ ٶلتٸرگەن ەدٸ. نۇراي سەرٸكباي وقيعا ورنىندا تٸل تارتپاي كەتتٸ. كٷدٸكتٸ كٶزٸ تٸرٸسٸندە قىزدىڭ قىر سوڭىنان قالماي, تٸپتٸ الىپ قاشقانى دا انىقتالعان. پوليتسييا ادام ٶلتٸرۋ مەن ستالكينگ باپتارى بويىنشا قىلمىستىق ٸس قوزعاپ, تەرگەۋ جٷرگٸزٸپ جاتىر. الايدا اراعا ٷش اي سالىپ 28 جاستاعى جٸگٸتتٸڭ ۋاقىتشا ۇستاۋ يزولياتورىنان تالعارداعى پسيحيكالىق ورتالىققا اۋىستىرىلعانىن مارقۇمنىڭ تۋىستارى تٷسٸنبەي وتىر.
