شىمكەنتتە 21 جاستاعى نۇراي سەرٸكبايدى ٶلتٸرگەنٸ ٷشٸن ٶمٸر بويىنا باس بوستاندىعىنان ايىرىلعان شەرحان ايماحاننىڭ قورعاۋشىلارى سوت ٷكٸمٸنە اپەللياتسييالىق شاعىم تٷسٸردٸ, دەپ حابارلايدى ult.kz.
بۇل اقپاراتتى مارقۇمنىڭ اعاسى سۇلتان سەرٸكباي مەن جەبٸرلەنۋشٸ تاراپتىڭ ادۆوكاتى ايانحان وماروۆ راستادى. ولاردىڭ ايتۋىنشا, اپەللياتسييالىق شاعىمنىڭ بەرٸلگەنٸ تۋرالى حابارلاما «سوت كابينەتٸ» ارقىلى كەلگەن. قازٸر جەبٸرلەنۋشٸ تاراپ قۇجاتپەن تانىسىپ, ٶز قارسىلىعىن دايىنداپ جاتىر.
«اپەللياتسييالىق ساتىنىڭ ٶكٸلەتتٸكتەرٸ جەتكٸلٸكتٸ. ول بٸرٸنشٸ ساتىداعى سوت ٷكٸمٸنٸڭ كٷشٸن تولىق جويىپ, جاڭا شەشٸم شىعارا الادى. سونىڭ ٸشٸندە ايىپتاۋدىڭ جەكەلەگەن باپتارىن الىپ تاستاۋعا, جاڭالارىن قوسۋعا نەمەسە جازانى جەڭٸلدەتۋگە قۇقىلى», – دەدٸ سۇلتان سەرٸكباي.
ەسكە سالايىق, 13 تامىزدا شىمكەنت قالاسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتى شەرحان ايماحاندى اسا قاتىگەزدٸكپەن ادام ٶلتٸرۋ, نەكەگە تۇرۋعا مەجبٷرلەۋ جەنە ستالكينگ بويىنشا كٸنەلٸ دەپ تانىپ, ٶمٸر بويىنا باس بوستاندىعىنان ايىرعان. سونىمەن قاتار سوت ونى نۇرايدىڭ وتباسىنا 25 ميلليون تەڭگە مورالدىق ٶتەماقى تٶلەۋگە مٸندەتتەگەن.
سونىمەن قاتار نۇراي سەرٸكبايدىڭ ٶلٸمٸنە قاتىستى سوت وتىرىسىندا كۋەلٸك بەرگەن قاراتاۋ اۋداندىق پوليتسييا باسقارماسىنىڭ بۇرىنعى تەرگەۋشٸسٸ ەبٸلعازى ارتىقبايعا قاتىستى جەكە قىلمىستىق ٸس قوزعالعان. قازٸر بۇل ٸس بويىنشا تەرگەۋ جٷرٸپ جاتىر.
