استانالىق قۇتقارۋشىلار دەمالىس جەنە مەرەكە كٷندەرٸ قالانىڭ سۋ ايدىندارىندا كٷشەيتٸلگەن رەجيمدە جۇمىس ٸستەيدٸ, دەپ حابارلايدى "ۇلت اقپارات".
بۇل تۋرالى نۇر-سۇلتان قالاسىنىڭ تٶتەنشە جاعدايلار دەپارتامەنتٸ باسشىسىنىڭ مٸندەتٸن اتقارۋشى ەسەن بايىروۆ ەكٸمدٸكتٸڭ اقپارات الاڭىندا ٶتكەن ونلاين بريفينگٸدە ايتتى.
«جىل سايىن ەلوردانىڭ جاعالاۋلارىندا دەمالۋشىلاردىڭ سانى ارتىپ كەلەدٸ. وسىعان بايلانىستى قالالىق تٶتەنشە جاعدايلار دەپارتامەنتٸ ادامداردىڭ سۋعا باتۋىنا جەنە شومىلۋ كەزٸندە جاراقاتتانۋىنا جول بەرمەۋ ٷشٸن بارلىق قاجەتتٸ ٸس-شارالار جٷرگٸزٸپ وتىر. قازٸرگٸ تاڭدا دەپارتامەنتتٸڭ يەلٸگٸندە 29 قۇتقارۋشى, سٷڭگۋ جاراقتارىمەن جابدىقتالعان ەكٸ سٷڭگۋٸر تەحنيكا, التى جٷزۋ قۇرالى, باسقا دا قۇتقارۋ جابدىقتارى پايدالانۋعا دايىن تۇر», - دەدٸ دەپارتامەنت باسشىسى.
ونىڭ ايتۋىنشا, شومىلۋ ماۋسىمىندا قالاداعى سۋ ايدىندارىندا كٷن سايىن 80-نەن استام ادام قاۋٸپسٸزدٸك شاراسىن قاداعالاماق.
«رەيدتەر جٷرگٸزٸلەدٸ. مەرەكە جەنە دەمالىس كٷندەرٸ قىزمەتكەرلەر سانى كٶبەيتٸلٸپ وتىرادى. ەلوردا تۇرعىندارى مەن قوناقتارىنا شومىلۋ قاۋٸپسٸزدٸگٸنٸڭ ەرەجەلەرٸن ٷگٸت-نايسحات پاراقتارىن تاراتۋ ارقىلى تٷسٸندٸرەمٸز. 19 ەكٸمشٸلٸك حاتتاما جاسالدى. ەكٸمدٸكپەن بٸرلەسٸپ 140 تىيىم سالۋ بەلگٸسٸ ورناتىلدى, 20 اقپاراتتىق ستەند ورناتىلدى», - دەدٸ ەسەن بايىروۆ.
