Astanalyq qutqarýshylar demalys jáne mereke kúnderi qalanyń sý aidyndarynda kúsheitilgen rejimde jumys isteidi, dep habarlaidy "Ult aqparat".
Bul týraly Nur-Sultan qalasynyń tótenshe jaǵdailar departamenti basshysynyń mindetin atqarýshy Esen Baiyrov ákimdiktiń aqparat alańynda ótken onlain brifingide aitty.
«Jyl saiyn elordanyń jaǵalaýlarynda demalýshylardyń sany artyp keledi. Osyǵan bailanysty qalalyq tótenshe jaǵdailar departamenti adamdardyń sýǵa batýyna jáne shomylý kezinde jaraqattanýyna jol bermeý úshin barlyq qajetti is-sharalar júrgizip otyr. Qazirgi tańda departamenttiń ieliginde 29 qutqarýshy, súńgý jaraqtarymen jabdyqtalǵan eki súńgýir tehnika, alty júzý quraly, basqa da qutqarý jabdyqtary paidalanýǵa daiyn tur», - dedi departament basshysy.
Onyń aitýynsha, shomylý maýsymynda qaladaǵy sý aidyndarynda kún saiyn 80-nen astam adam qaýipsizdik sharasyn qadaǵalamaq.
«Reidter júrgiziledi. Mereke jáne demalys kúnderi qyzmetkerler sany kóbeitilip otyrady. Elorda turǵyndary men qonaqtaryna shomylý qaýipsizdiginiń erejelerin úgit-naishat paraqtaryn taratý arqyly túsindiremiz. 19 ákimshilik hattama jasaldy. Ákimdikpen birlesip 140 tyiym salý belgisi ornatyldy, 20 aqparattyq stend ornatyldy», - dedi Esen Baiyrov.
