نۇرسۇلتان نازارباەۆ حالىقارالىق ەۋەجايىنا ٶتكەن تەۋلٸكتە 789 ادام ۇشىپ كەلدٸ.
«ٶتكەن تەۋلٸكتە نۇر-سۇلتانعا 7 ۇشاق كەلٸپ قوندى. ەۋە رەيستەرٸن Air Astana, Turkish Airlines جەنە Flydubai ەۋە كومپانييالارى ورىندادى. ەكيپاجدى قوسقاندا جالپى 789 جولاۋشى ۇشىپ كەلدٸ. ولاردىڭ ٸشٸندە 150 ادامدا پتر-تەست انىقتاماسى بولعان جوق. وسى سەبەپتٸ ولار كارانتين ستاتسيونارىنا جەتكٸزٸلدٸ. ەگەر اتالعان ادامداردا كوروناۆيرۋس انىقتالماسا - ٷيٸنە قايتادى, انىقتالسا - ينفەكتسييالىق ستاتسيونارعا جاتقىزىلادى», - دەپ حابارلايدى نۇرسۇلتان نازارباەۆ حالىقارالىق ەۋەجايى.
ايتا كەتەيٸك, كٷن سايىن ەلورداعا شەتەلدەن ۇشىپ كەلگەن 100-دەن اسا جولاۋشى كارانتين ستاتسيونارىنا جاتقىزىلۋدا. كٷنٸ كەشە استاناعا 569 ادام ۇشىپ كەلٸپ, پتر-تەست انىقتاماسى بولماعاندىقتان ونىڭ ٸشٸندە 118-ٸ كارانتينگە جاتقىزىلعان ەدٸ.
نۇرسۇلتان نازارباەۆ حالىقارالىق ەۋەجايى مەملەكەتتٸك ورگاندارمەن بٸرگە كوروناۆيرۋس ينفەكتسيياسىنىڭ الدىن الۋ ٷشٸن ناقتى شارالار كەشەنٸن جٷزەگە اسىرۋدا:
● جولاۋشىلار مٸندەتتٸ تٷردە تەرمومەترييادان ٶتۋٸ كەرەك. ول ٷشٸن تەپلوۆيزورلىق سمارت-كامەرالار قولدانىلادى.
● جولاۋشىلار تەرمينالىندا تەۋلٸك بويى سانيتارلىق-كارانتيندٸك بەكەت بريگادالارى كەزەكشٸلٸكتە جٷرەدٸ.
● ٸشكٸ جەنە حالىقارالىق رەيستەردە ۇشۋ جەنە قونۋ اۋماعىتارىندا جولاۋشىلارعا ارنالعان سانيتايزەرلەر ورناتىلعان.
● جولاۋشىلاردى تٸركەۋ, سونىمەن قاتار نۇرسۇلتان نازارباەۆ حالىقارالىق ەۋەجايىنىڭ اۋماعىندا 1,5 متەرلٸك ەلەۋمەتتٸك قاشىقتىقتى قامتاماسىز ەتۋ تەرتٸبٸ ەدەندە ناقتى سىزبامەن كٶرسەتٸلگەن.
● ەۋەجايدىڭ ٸشكٸ اۋماعىن ارنايى دەزينفەكتسييالىق قۇرالداردى پايدالانا وتىرىپ, سانيتارلىق ٶڭدەۋ جيٸلٸگٸ ارتتى. ۆيرۋسقا قارسى بەلسەندٸلٸككە يە انتيسەپتيك قولدانىلادى.
● نۇرسۇلتان نازارباەۆ حالىقارالىق ەۋەجايىنا كەلەتٸن ەۋە كەمەلەرٸنٸڭ بەرٸ دە دەزينفەكتسييالىق ٶڭدەۋدەن ٶتەدٸ. سونىمەن قاتار تۇراقتى تٷردە جولاۋشىلارعا قىزمەت كٶرسەتەتٸن تەحنيكادا دەزينفەكتسييالىق جۇمىستار جٷرگٸزٸلەدٸ.
● كوروناۆيرۋس ينفەكتسيياسىنىڭ تارالۋىنىڭ الدىن الۋ بويىنشا ەۋەجاي قىزمەتكەرلەرٸمەن نۇسقاۋلىق جٷرگٸزٸلەدٸ.
