نۇر-سۇلتانداعى ٸرٸ كٶلٸك اپاتىندا اۆتوبۋس جٷرگٸزۋشٸسٸ ەرلٸك جاسادى, دەپ حابارلايدى Sputnik اگەنتتٸگٸ "استانا LRT"-عا سٸلتەمە جاساپ.
"باقدەۋلەت ەلٸبەك زارداپ شەككەندەرگە العاشقىلاردىڭ بٸرٸ بولىپ كٶمەكتەستٸ. ول اپات بولعان ۋاقىتتا ٶزٸنٸڭ اۆتوبۋسىمەن قارسى باعىتقا بارا جاتقان. جانتٷرشٸگەرلٸك وقيعانى كٶرگەن جٷرگٸزۋشٸ اۆتوبۋسىن توقتاتىپ, زارداپ شەككەندەرگە كٶمەككە باردى. ٷش جولاۋشىمەن بٸرگە قيراعان اۆتوبۋس ەسٸگٸن اشۋدىڭ جولىن تاپقان. زارداپ شەگۋشٸلەردٸڭ جاراقاتى ەرتٷرلٸ بولدى", - دەيدٸ كٶلٸك كومپانيياسىنىڭ ٶكٸلدەرٸ.
باقدەۋلەتتٸڭ ايتۋىنشا, ول قاۋٸپسٸزدٸك تەحنيكاسىن ساقتاۋعا ەرەكشە كٶڭٸل بٶلگەن. سوندىقتان مۇنداي ٸرٸ اپات كەزٸندە مٷلدەم ساسپاعان. كومپانييا جٷرگٸزۋشٸگە تٶتەنشە جاعدايدا بەلسەندٸ بولىپ, جولاۋشىلارعا كٶمەكتەسكەنٸ ٷشٸن العىس بٸلدٸردٸ.
"استانا LRT" اق باسپاسٶز حاتشىسى ناۋات ازانباەۆتىڭ ايتۋىنشا, جٷرگٸزۋشٸ بۇل ەرلٸگٸن بەرٸنەن جاسىرىپ كەلگەن.
ەسكە سالا كەتسەك, 26 ناۋرىزدا نۇر-سۇلتان قالاسىنداعى ۇلى دالا كٶشەسٸ مەن قابانباي باتىر داڭعىلى قيىلىسىندا جانتٷرشٸگەرلٸك جول اپاتى بولدى. ٷش اۆتوبۋس سوقتىعىسىپ, بٸرنەشە اۆتوكٶلٸككە, سونىڭ ٸشٸندە جەدەل جەردەم كٶلٸگٸنە دە زاقىم كەلدٸ. اپات سالدارىنان 1966 جىلى تۋعان اۆتوبۋس جٷرگٸزۋشٸسٸ مەن 26 جاستاعى جولاۋشى كٶز جۇمدى.
