ەلوردالىقتار اراسىندا ۆاكتسينالاۋدى ىنتالاندىرۋ ٷشٸن دەمەۋشٸلٸك قاراجات ەسەبٸنەن 20 iPhone12 ويناتىلادى, دەپ حابارلايدى "ۇلت اقپارات" ەلوردا ەكٸمدٸگٸنە سٸلتەمە جاساپ.
ەكٸمدٸكتٸڭ حابارلاۋىنشا, اپتاسىنا ەكٸ iPhone12 ويناتىلادى. بۇل ۇتىس ويىنىنا مەديتسينالىق مەكەمەلەردٸڭ, سوو/سٷ جەنە ت.ب. ورىنداردا ۆاكتسينا العاندار قاتىسادى. وعان قاتىسۋ ٷشٸن ساۋالنامانى تولتىرۋدىڭ نەمەسە نٶمٸر الۋدىڭ قاجەتٸ جوق.
«جەڭٸمپاز Birge پلاتفورماسىنداعى كەزدەيسوق قىزمەت ارقىلى انىقتالادى. iPhone12 ۇتىس ويىنىنا ۆاكتسينا العان كٷنٸنە قاراماستان بارلىق ادام قاتىسادى. ۆاكتسينا العاندار بويىنشا اقپارات قر دەنساۋلىق ساقتاۋ مينيسترلٸگٸنٸڭ مەلٸمەتتەرٸمەن بٸرٸكتٸرٸلەدٸ. سەرۆيستە ەكپە العان ادامنىڭ ID-نٶمٸرٸ عانا كٶرٸنەتٸن بولادى. جەڭٸمپازدى سەرۆيس كەزدەيسوق تٷردە انىقتايدى. ول Facebook پەن Instagram ارقىلى تٸكەلەي ەفيردە ٶتكٸزٸلەدٸ», - دەپ جازىلعان ەلوردا ەكٸمدٸگٸنٸڭ رەسمي پاراقشاسىندا.
IPhone12 العاشقى ۇتىس ويىنى 8 شٸلدە كٷنٸ ٶتەدٸ. وعان 6 شٸلدەگە دەيٸن ەكپە العانداردىڭ بەرٸ قاتىسا الادى. نۇر-سۇلتان قالاسىندا 7 شٸلدە كٷنٸ ۆاكتسينا العاندار بازاسى دايىندالادى.
ەلوردادا ۆاكتسينا العاندار سانى ٶتكەن اپتالارمەن سالىستىرعاندا بەس ەسەدەن اسا ٶستٸ. وسىلايشا, ۆاكتسينا العاندار سانى تەۋلٸگٸنە 7 مىڭنان اسىپ جىعىلادى. بٷگٸنگە دەيٸن بارلىعى 218 مىڭعا جۋىق ادام ەكپەنٸڭ العاشقى كومپونەنتٸن العان.
سونىمەن بٸرگە, 25 ماۋسىم مەن 31 تامىز ارالىعىندا ۆاكتسيناتسييالانعاندار اراسىندا ەكٸ بٶلمەلٸ پەتەردٸڭ ۇتىس ويىنى ٶتكٸزٸلەدٸ. بۇل اكتسيياعا مەديتسينالىق مەكەمەلەردە, سوو/سٷ جەنە ۆاكتسيناتسييالاۋدىڭ ٶزگە دە پۋنكتتەرٸندە يممۋنداۋدان ٶتكەندەر قاتىسادى.
سول سيياقتى بۇعان دەيٸن «MEGA Silk Way» سوو ٶزٸنٸڭ ەگۋ پۋنكتٸندە ۆاكتسينانىڭ بٸرٸنشٸ كومپونەنتٸن العاندار اراسىندا اۆتوكٶلٸك ويناتىلاتىنىن جارييالاعان بولاتىن.
ال «ازييا پارك», «سارىارقا», «ەبۋ-دابي پلازا», «كەرۋەن», «ەۋرازييا» سوو-لارىندا جەنە باسقا دا ساۋدا ٷيلەرٸندە كومپيۋتەرلٸك, تۇرمىستىق تەحنيكا, جەڭٸلدٸك كۋپوندارى تٷرٸندەگٸ تٷرلٸ سىيلىقتار ويناتىلىپ جاتىر.
