Elordalyqtar arasynda vaktsinalaýdy yntalandyrý úshin demeýshilik qarajat esebinen 20 iPhone12 oinatylady, dep habarlaidy "Ult aqparat" elorda ákimdigine silteme jasap.
Ákimdiktiń habarlaýynsha, aptasyna eki iPhone12 oinatylady. Bul utys oiynyna meditsinalyq mekemelerdiń, SOO/SÚ jáne t.b. oryndarda vaktsina alǵandar qatysady. Oǵan qatysý úshin saýalnamany toltyrýdyń nemese nómir alýdyń qajeti joq.
«Jeńimpaz Birge platformasyndaǵy kezdeisoq qyzmet arqyly anyqtalady. iPhone12 utys oiynyna vaktsina alǵan kúnine qaramastan barlyq adam qatysady. Vaktsina alǵandar boiynsha aqparat QR Densaýlyq saqtaý ministrliginiń málimetterimen biriktiriledi. Serviste ekpe alǵan adamnyń ID-nómiri ǵana kórinetin bolady. Jeńimpazdy servis kezdeisoq túrde anyqtaidy. Ol Facebook pen Instagram arqyly tikelei efirde ótkiziledi», - dep jazylǵan elorda ákimdiginiń resmi paraqshasynda.
IPhone12 alǵashqy utys oiyny 8 shilde kúni ótedi. Oǵan 6 shildege deiin ekpe alǵandardyń bári qatysa alady. Nur-Sultan qalasynda 7 shilde kúni vaktsina alǵandar bazasy daiyndalady.
Elordada vaktsina alǵandar sany ótken aptalarmen salystyrǵanda bes eseden asa ósti. Osylaisha, vaktsina alǵandar sany táýligine 7 myńnan asyp jyǵylady. Búginge deiin barlyǵy 218 myńǵa jýyq adam ekpeniń alǵashqy komponentin alǵan.
Sonymen birge, 25 maýsym men 31 tamyz aralyǵynda vaktsinatsiialanǵandar arasynda eki bólmeli páterdiń utys oiyny ótkiziledi. Bul aktsiiaǵa meditsinalyq mekemelerde, SOO/SÚ jáne vaktsinatsiialaýdyń ózge de pýnktterinde immýndaýdan ótkender qatysady.
Sol siiaqty buǵan deiin «MEGA Silk Way» SOO óziniń egý pýnktinde vaktsinanyń birinshi komponentin alǵandar arasynda avtokólik oinatylatynyn jariialaǵan bolatyn.
Al «Aziia Park», «Saryarqa», «Ábý-Dabi Plaza», «Kerýen», «Eýraziia» SOO-larynda jáne basqa da saýda úilerinde kompiýterlik, turmystyq tehnika, jeńildik kýpondary túrindegi túrli syilyqtar oinatylyp jatyr.
