نۇر-سۇلتاندا پوليتسييا قىزمەتكەرٸ اۋىر جاراقات العان قارت ادامنىڭ اۋرۋحاناعا جەتۋٸنە كٶمەكتەستٸ, دەپ حابارلايدى ەلوردا ەكٸمدٸگٸنٸڭ رەسمي سايتى.
بۇل Facebook ەلەۋمەتتٸك جەلٸسٸندە جازبا جارييالانعان. حابارلامادا پايدالانۋشى الەكساندرا دارينوۆا ٶزٸنٸڭ ەكەسٸ 12 سەۋٸردە اۋىر جاراقات الىپ, جەدەل مەديتسينالىق كٶمەككە مۇقتاج بولعانىن ايتادى.
«12 سەۋٸردە ەكەمٸز اۋىر جاراقات الدى. بٸز قالانىڭ سىرتىندا تۇرامىز. ٶز كٶلٸگٸمٸزبەن, اۋىل دەرٸگەرٸمەن بٸرگە قابانباي باتىر مەن قوسشى بويىندا ورنالاسقان العاشقى بلوكپوستقا باردىق. ولار كٶلٸكتٸ ارى قاراي جٸبەرمەدٸ. سول جەردە جەدەل جەردەمدٸ كٷتٸپ قالدىق. نۇر-سۇلتان قالالىق ارنايى باتالوننىڭ اعا لەيتەنانتى الماس احمەتوۆكە العىس بٸلدٸرگٸمٸز كەلەدٸ. ول ٶز ەركٸمەن ەكەمدٸ ارنايى كٶلٸكپەن اۋرۋحاناعا اپاردى. ەم شارالارى بٸتكەنشە كٷتٸپ, بٸزدٸ ارنايى كٶلٸكپەن كٶلٸگٸمٸز تۇرعان بلوكپوستقا قايتا جەتٸزٸپ تاستادى», – دەپ جازادى الەكساندرا دارينوۆا.
ماقالا اۆتورى ەلەم مەيٸرٸمدٸ ادامدارعا تولى ەكەنٸن ايتادى.
«مۇنداي قيىن ۋاقىتتا ٶزگەلەرگە كٶمەكتەسەتٸن جاننىڭ بار ەكەندٸگٸ كٶڭٸل قۋانتادى. الماس بولاتۇلى, باقىتتى بولىڭىز», - دەپ العىسىن بٸلدٸردٸ ا.دارينوۆا.
ەلەۋمەتتٸك جەلٸ پايدالانۋشىلارى پوليتسييا قىزمەتكەرٸنە كارانتين كەزٸندەگٸ كٶمەگٸ مەن ادال جۇمىسى ٷشٸن العىس بٸلدٸردٸ. ەلوردالىق پوليتسييا دەپارتامەنتٸنٸڭ باسپاسٶز قىزمەتٸ حابارلاعانداي, اعا لەيتەنانت الماس احمەتوۆ 2015 جىلدان بەرٸ پوليتسييا قىزمەتكەرٸ. سونداي-اق, ول جاۋاپتى جەنە ەرٸپتەستەرٸنە سىيلى قىزمەتكەر.
«قازٸرگٸ قيىن ۋاقىتتا, كارانتين كەزٸندە بٸز پوليتسييا قىزمەتكەرلەرٸ رەتٸندە ادال جۇمىس ٸستەپ قانا قويماي, قيىندىققا تاپ بولعان ازاماتتارعا كٶمەكتەسۋٸمٸز كەرەك. سوندىقتان كٶمەككە زەرۋ ادامعا جەدەل كٶمەك كٶرسەتتٸم», – دەيدٸ الماس احمەتوۆ.
