كٶپسالالى قالالىق اۋرۋحانالاردىڭ اكۋشەرلٸك بلوكتارىندا ەلوردا كٷنٸندە تۋعان بالالاردى دەستٷرلٸ تٷردە قۇتتىقتاۋ رەسٸمٸ ٶتتٸ, دەپ حابارلايدى "ۇلت اقپارات" ەلوردا ەكٸمدٸگٸنٸڭ رەسمي سايتىنا سٸلتەمە جاساپ.
ەسٸل, الماتى اۋدانى ەكٸمدٸكتەرٸ جەنە قالالىق قوعامدىق دەنساۋلىق ساقتاۋ باسقارماسىنىڭ اتىنان ەكٸمنٸڭ ەيەلدەر ٸستەرٸ جەنە دەموگرافييالىق ساياسات جٶنٸندەگٸ باس ينسپەكتورى س.بيسەمباەۆا سەبيلەر مەن ولاردىڭ انالارىنا قۇتتىقتاۋ حات پەن گٷل شوعىن تابىستاپ, زور دەنساۋلىق تٸلەدٸ.
«سٸزدەردٸ بٷگٸن ايتۋلى كٷنمەن قۇتتىقتايمىن! نەرەستەلەرٸڭٸزدٸڭ دەنٸ ساۋ بولىپ, سٸزدەردٸ قۋانىشقا بٶلەيتٸن, ەلگە قىزمەت ەتەتٸن ازامات بولىپ ٶسسٸن. بٸز سٸزدەردٸ ەلوردا كٷنٸمەن قۇتتىقتاۋ ٷشٸن ارنايى كەلدٸك. ەل ازاماتتارى جىل ساناپ كٶبەيە بەرسٸن» — دەدٸ بيسەمباەۆا.
سەۋلە بيسەمباەۆا اكۋشەرلٸك بلوكقا كۆي-مەن اۋىرىپ تٷسكەن انالاردى دا قۇتتىقتادى. مۇندا دەنٸ ساۋ 5 بالا ٶمٸرگە كەلدٸ: 4 ۇل جەنە بٸر قىز.
«دەرٸگەرلەر بەلگٸلەگەن ۋاقىتقا سٷيەنسەك, سەل كەيٸنٸرەك بوسانۋىم كەرەك ەدٸ. الايدا, بالام دەل وسى كٷنٸ ٶمٸرگە كەلۋدٸ تاڭداعان ەكەن. بۇل بەكەر ەمەس, مۇندا بٸر سىر بار دەپ ويلايمىن», — دەيدٸ جاڭا بوسانعان انالاردىڭ بٸرٸ.
ەلوردا كٷنٸندە بوسانعان انالارعا ەستەلٸك سىيلىقتار مەن سەبيگە ارنالعان كەرەك-جاراق بەرٸلدٸ.
كەشە, ياعني 6 شٸلدە كٷنٸ ەلوردادا 77 بالا ٶمٸرگە كەلدٸ, ونىڭ ٸشٸندە 37 ۇل جەنە 40 قىز بالا.
