Kópsalaly qalalyq aýrýhanalardyń akýsherlik bloktarynda Elorda kúninde týǵan balalardy dástúrli túrde quttyqtaý rásimi ótti, dep habarlaidy "Ult aqparat" elorda ákimdiginiń resmi saityna silteme jasap.
Esil, Almaty aýdany ákimdikteri jáne qalalyq qoǵamdyq densaýlyq saqtaý basqarmasynyń atynan ákimniń áielder isteri jáne demografiialyq saiasat jónindegi bas inspektory S.Bisembaeva sábiler men olardyń analaryna quttyqtaý hat pen gúl shoǵyn tabystap, zor densaýlyq tiledi.
«Sizderdi búgin aitýly kúnmen quttyqtaimyn! Nárestelerińizdiń deni saý bolyp, sizderdi qýanyshqa bóleitin, elge qyzmet etetin azamat bolyp óssin. Biz sizderdi elorda kúnimen quttyqtaý úshin arnaiy keldik. El azamattary jyl sanap kóbeie bersin» — dedi Bisembaeva.
Sáýle Bisembaeva akýsherlik blokqa KVI-men aýyryp túsken analardy da quttyqtady. Munda deni saý 5 bala ómirge keldi: 4 ul jáne bir qyz.
«Dárigerler belgilegen ýaqytqa súiensek, sál keiinirek bosanýym kerek edi. Alaida, balam dál osy kúni ómirge kelýdi tańdaǵan eken. Bul beker emes, munda bir syr bar dep oilaimyn», — deidi jańa bosanǵan analardyń biri.
Elorda kúninde bosanǵan analarǵa estelik syilyqtar men sábige arnalǵan kerek-jaraq berildi.
Keshe, iaǵni 6 shilde kúni elordada 77 bala ómirge keldi, onyń ishinde 37 ul jáne 40 qyz bala.
