نۇر-سۇلتان پوليتسەيلەرٸ "قاسقىر" تٷسٸرٸلگەن ۆيدەوعا قاتىستى پٸكٸر بٸلدٸردٸ, - دەپ حابارلايدى Tengrinews.kz.
پوليتسييا مەلٸمەتٸنشە, بيىل 27 جەلتوقساندا ساعات 21:00-دە "102" ارناسىنا قالا تۇرعىنى پانفيلوۆ كٶشەسٸندە قاسقىر جٷرگەنٸن ايتىپ, قوڭىراۋ شالعان. تۇرعىننىڭ ايتۋىنشا, قاسقىر سول جەردە يتتٸ تالاپ تاستاعان.
"جاساق وقيعا ورنىنا بارعان سوڭ فاكت راستالدى, پوليتسييا قىزمەتكەرلەرٸ جاقىنداعان كەزدە جانۋار شابۋىل جاساماق بولعان, وسىعان بايلانىستى قىزمەتتٸك قارۋ قولدانىلعان. وقيعا ورنىنا شاقىرىلعان نۇر-سۇلتان قالاسى ەكٸمدٸگٸنٸڭ "استانا ۆەتسەرۆيس" قىزمەتكەرلەرٸ جانۋارلاردى تەكسەرٸپ, ولار قاڭعىباس يت ەكەنٸن انىقتاپ, ارنايى كٶلٸكپەن الىپ كەتتٸ", - دەلٸنگەن حابارلامادا.
