سينوپتيكتەردٸڭ بولجامىنشا, الداعى كٷندەرٸ ەلوردادا قار جاۋىپ, بوران سوعادى. قالانىڭ كوممۋنالدىق قىزمەتتەرٸ تەۋلٸك بويى كٷشەيتٸلگەن رەجيمدە جۇمىس ٸستەيدٸ, دەپ حابارلايدى نۇر-سۇلتان ەكٸمدٸگٸنٸڭ رەسمي سايتى.
بٷگٸن, 23 قاراشادا قار تازالاۋ جۇمىستارىنا 1000 ارنايى تەحنيكا مەن 1871 جول جۇمىسشىسى جۇمىلدىرىلدى.
قار كٷرەۋ جۇمىسى باستالعالى بەرٸ ەلوردادان 90 مىڭ تەكشە مەترگە جۋىق قار شىعارىلدى.
«قازگيدرومەت» رمك مەلٸمەتٸنشە, 23 قاراشادا نۇر-سۇلتاندا كٶشپەلٸ بۇلت شىعادى, قار جاۋادى, بوران سوعادى, كٶكتايعاق بولادى. وڭتٷستٸك-باتىستان جەل سوعادى, ەكپٸنٸ 15-20 م/س جەتەدٸ. اۋا تەمپەراتۋراسى كٷندٸز 0-2 گرادۋس اياز بولادى.
ەرتەڭٸندە كٷندٸز سينوپتيكتەر جاۋىن-شاشىن (كٶبٸنەسە قار), بوران, كٶكتايعاق بولادى دەپ بولجاپ وتىر. وڭتٷستٸك-باتىستان 9-14 م / س جەل سوعادى, كٷندٸز ەكپٸنٸ 15-20 م/س جەتەدٸ, اۋا تەمپەراتۋراسى تٷندە 8-10 گرادۋسقا دەيٸن تٶمەندەيدٸ, كٷندٸز تەرمومەتر 0 گرادۋس شاماسىندا بولادى.
25 قاراشادا قار, بوران جەنە كٶكتايعاق بولۋى مٷمكٸن. وڭتٷستٸك-باتىستان 9-14 م/س جىلدامدىقپەن جەل سوعادى, ەكپٸنٸ 15-20 م / س جەتەدٸ, اۋا تەمپەراتۋراسى تٷندە جەنە كٷندٸز 0-2 گرادۋس اياز بولادى.
