نۇر-سۇلتاندا بەنزين قۇيىلعان 4 تسيستەرنا رەلستەن شىعىپ كەتتٸ. بۇل تۋرالى قالانىڭ تٶتەنشە جاعدايلار دەپارتامەنتٸ حابارلادى.
«28 ماۋسىم كٷنٸ ساعات 13:30-دا «ٶندٸرٸس» تەمٸرجول ستانتسيياسىنان بەنزين قۇيىلعان 4 تسيستەرنانىڭ رەلستەن شىعىپ كەتكەنٸ تۋرالى حابار تٷسكەن. وقيعا ورنىنا بٸردەن قالالىق تٶتەنشە جاعدايلار دەپارتامەنتٸنٸڭ قىزمەتكەرلەرٸ جٸبەرٸلدٸ. وقيعا ورنىنا جەتكەن كەزدە تٶتەنشە جاعدايلار سالاسىنىڭ ٶكٸلدەرٸ بەنزين قۇيىلعان 4 تسيستەرنانىڭ رەلستەن شىعىپ كەتكەنٸن كٶردٸ. الايدا بەنزين تٶگٸلمەگەن, تسيستەرنالار دا اۋدارىلماعان», - دەلٸنگەن حابارلامادا.
تٶتەنشە جاعدايلار دەپارتامەنتٸ باسپاسٶز قىزمەتٸنٸڭ حابارلاۋىنشا, وقيعى ورنىندا تيٸستٸ جۇمىستار جٷرگٸزٸلٸپ جاتىر. وسى كەزدە ەلەكتر جەلٸلەرٸ جيناقتالىپ, جەدەل شتاب قۇرىلدى. وقيعانىڭ سالدارىمەن جۇمىسقا جەكە قۇرامنان 25 ادام, 4 ارنايى تەحنيكا جۇمىلدىرىلدى. سونىمەن قاتار نۇر-سۇلتان تٶتەنشە جاعدايلار دەپارتامەنتٸنٸڭ ٶرتپەن كٷرەس بەكەتتەرٸ ورناتىلدى.
