Nur-Sultanda benzin quiylǵan 4 tsisterna relsten shyǵyp ketti. Bul týraly qalanyń Tótenshe jaǵdailar departamenti habarlady.
«28 maýsym kúni saǵat 13:30-da «Óndiris» temirjol stantsiiasynan benzin quiylǵan 4 tsisternanyń relsten shyǵyp ketkeni týraly habar túsken. Oqiǵa ornyna birden qalalyq Tótenshe jaǵdailar departamentiniń qyzmetkerleri jiberildi. Oqiǵa ornyna jetken kezde tótenshe jaǵdailar salasynyń ókilderi benzin quiylǵan 4 tsisternanyń relsten shyǵyp ketkenin kórdi. Alaida benzin tógilmegen, tsisternalar da aýdarylmaǵan», - delingen habarlamada.
Tótenshe jaǵdailar departamenti baspasóz qyzmetiniń habarlaýynsha, oqiǵy ornynda tiisti jumystar júrgizilip jatyr. Osy kezde elektr jelileri jinaqtalyp, jedel shtab quryldy. Oqiǵanyń saldarymen jumysqa jeke quramnan 25 adam, 4 arnaiy tehnika jumyldyryldy. Sonymen qatar Nur-Sultan Tótenshe jaǵdailar departamentiniń órtpen kúres beketteri ornatyldy.
