20 شٸلدە كٷنٸ نۇر-سۇلتان قالاسىنىڭ مەشٸتتەرٸندە دەستٷرلٸ ايت نامازى ٶتكٸزٸلمەيدٸ. بۇل تۋرالى ەلوردانىڭ دٸن ٸستەرٸ جٶنٸندەگٸ باسقارما باسشىسى نۇردەۋلەت ەلمۇحانوۆ ايتىپ بەردٸ, دەپ حابارلايدى قازاقپارات.
«بارشا نۇر-سۇلتان قالاسىنىڭ تۇرعىندارى مەن قوناقتارىن كەلە جاتقان قاسيەتتٸ قۇربان ايت مەرەكەسٸمەن قۇتتىقتايمىن. 2021 جىلى قۇربان ايت دٸني مەرەكەسٸ 20-22 شٸلدە ارالىعىندا ٶتەدٸ. سانيتارلىق-ەپيدەميولوگييالىق جاعدايعا بايلانىستى 20 شٸلدە كٷنٸ بارلىق مەشٸتتە دەستٷرلٸ ايت نامازى ٶتكٸزٸلمەيدٸ», - دەدٸ ن. ەلمۇقانوۆ نۇر-سۇلتان قالاسىنىڭ ەكٸمدٸگٸندە ٶتكەن بريفينگتە.
ونىڭ ايتۋىنشا, نۇر-سۇلتان قالاسىندا قۇربان ايت مەرەكەسٸندە قۇرباندىق شالۋ بىلتىرعىداي ونلاين فورماتتا قازاقستان مۇسىلماندارى دٸني باسقارماسىنىڭ qurban2021.kzسايتى ارقىلى جٷرگٸزٸلەدٸ.
«سانيتارلىق-ەپيدەميولوگييالىق قاۋٸپسٸزدٸك شارالارىن ساقتاۋ جەنە ادامداردىڭ كٶپ مٶلشەردە جينالماۋىن قامتاماسىز ەتۋ ماقساتىندا جىلدا قۇرباندىق شالۋ رەسٸمدەرٸ ٶتەتٸن بازارلار مەن شارۋا قوجالىقتارىنىڭ جۇمىسى قۇربان ايت مەرەكەسٸ كەزٸندە توقتاتىلادى. ٶزٸمٸزدٸ جەنە جاقىندارىمىزدى قاۋٸپ-قاتەردەن قورعايىق», - دەيدٸ باسقارما باسشىسى.
