20 shilde kúni Nur-Sultan qalasynyń meshitterinde dástúrli ait namazy ótkizilmeidi. Bul týraly elordanyń din isteri jónindegi basqarma basshysy Nurdáýlet Álmuhanov aityp berdi, dep habarlaidy QazAqparat.
«Barsha Nur-Sultan qalasynyń turǵyndary men qonaqtaryn kele jatqan qasietti Qurban ait merekesimen quttyqtaimyn. 2021 jyly Qurban Ait dini merekesi 20-22 shilde aralyǵynda ótedi. Sanitarlyq-epidemiologiialyq jaǵdaiǵa bailanysty 20 shilde kúni barlyq meshitte dástúrli ait namazy ótkizilmeidi», - dedi N. Álmuqanov Nur-Sultan qalasynyń ákimdiginde ótken brifingte.
Onyń aitýynsha, Nur-Sultan qalasynda Qurban ait merekesinde qurbandyq shalý byltyrǵydai onlain formatta Qazaqstan musylmandary dini basqarmasynyń qurban2021.kzsaity arqyly júrgiziledi.
«Sanitarlyq-epidemiologiialyq qaýipsizdik sharalaryn saqtaý jáne adamdardyń kóp mólsherde jinalmaýyn qamtamasyz etý maqsatynda jylda qurbandyq shalý rásimderi ótetin bazarlar men sharýa qojalyqtarynyń jumysy Qurban ait merekesi kezinde toqtatylady. Ózimizdi jáne jaqyndarymyzdy qaýip-qaterden qorǵaiyq», - deidi basqarma basshysy.
