ەيەل بالاسىمەن 12 قاباتتى تۇرعىن ٷيدٸڭ بالكونىنان سەكٸرمەك بولعان, دەپ حابارلايدى قازاقپارات نۇر-سۇلتان قالاسى پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
«22 قازان كٷنٸ ساعات 17:30-دا كۋبرين كٶشەسٸنٸڭ بويىندا پوليتسييا كاپيتانى قايرات ناريمانوۆ كٶپ قاباتتى ٷيدٸڭ بالكونىنان اياعىن سالبىراتىپ تۇرعان ەيەلدٸ بايقاعان. ونىڭ قولىندا بالاسى بولعان. ول سەكٸرۋ نيەتٸمەن بالكوننىڭ قاناتىندا وتىرعان.
ونى بايقاعان پوليتسەي دەرەۋ كٸرەبەرٸسكە قاراي جٷگٸرٸپ, جوعارى كٶتەرٸلگەن. ەسٸكتٸڭ ساڭىلاۋىنان ەيەلدٸڭ ونى بايقاماي تۇرعانىن پايدالانىپ, پوليتسييا قىزمەتكەرٸ ەيەلدٸ ۇستاپ قالادى», - دەپ مەلٸمدەدٸ پوليتسييا دەپارتامەنتٸنٸڭ باسپاسٶز قىزمەتٸنەن.
21 جاستاعى جاس ەيەل مۇنداي قادامعا وتباسىلىق جانجالدان كەيٸن بارماق بولعان. ونىڭ قولىندا بٸر جارىم جاسار بالاسى بولعان.
«ول كٷنٸ مەن بٸر تەۋلٸكتٸك كەزەكشٸلٸكتەن كەيٸن دەمالىستا ەدٸم. بالالارىممەن بالاباقشادان قايتىپ كەلە جاتىپ, ٷرەيلەنٸپ تۇرعان ازاماتتار مەن بالكوننىڭ قاناتىندا وتىرعان ەيەلدٸ بايقادىم. ويلانباستان كٸرەبەرٸسكە قاراي جٷگٸردٸم, وسى كەزدە مەنٸمەن بٸر كۋەگەر ليفتٸگە بٸرگە كٸردٸ. قۋانىشقا وراي, ەيەلدٸ امان الىپ قالدىق», - دەدٸ پوليتسەي.
جاس انانى وسىنداي جاعدايعا جەتكٸزگەن جۇبايىنا قاتىستى قورعاۋ نۇسقاماسى شىعىپ, وتباسى قاتاڭ باقىلاۋعا الىندى. ەيەلمەن پروفيلاكتيكالىق ەڭگٸمە جٷرگٸزٸلٸپ, پسيحولوگييالىق كٶمەك كٶرسەتٸلدٸ.
