ەلوردادا قازاقتىڭ ۇلى اقىنى اباي قۇنانبايۇلىنىڭ تۋعان كٷنٸنە وراي «اباي مەرەيتويى» اتتى كٸتاپتىڭ تۇساۋكەسەر رەسٸمٸ ٶتتٸ, دەپ حابارلايدى قازاقپارات.
ل.ن. گۋميلەۆ اتىنداعى ەۋرازييا ۇلتتىق ۋنيۆەرسيتەتٸ ايتۋلى اقىننىڭ تۋعان كٷنٸنە وراي ۇيىمداستىرىلعان «ادامزاتتىڭ بەرٸن سٷي, باۋىرىم دەپ» اتتى ونلاين دەرٸس- كونتسەرتٸنٸڭ اياسىندا «اباي مەرەيتويى» اتتى كٸتاپتىڭ تۇساۋى كەسٸلدٸ.
«وسىنداي ايتۋلى داتا ەلەمدٸ جايلاعان ٸندەتتٸڭ سالدارىنان ونلاين تٷردە ٶتٸپ جاتىر, ٶكٸنٸشتٸ. دەگەنمەن رۋحىمىز مىقتى. اباي سەكٸلدٸ ۇلى اقىننىڭ تۋعان كٷنٸ قازاقستان عانا ەمەس, ەلەمدٸك دەڭگەيدە اتالىپ ٶتٸپ جاتىر. ونىڭ دەلەلٸ بٷگٸنگٸ شارانى تەك قازاقستاندىقتار عانا ەمەس ەلەمنٸڭ تٷكپٸر-تٷكپٸرٸندەگٸ قانداستارىمىز تاماشالاپ وتىر. ٶتكەن جىلى مەملەكەت باسشىنىڭ جارلىعىمەن اباي كٷنٸ كەڭ اۋقىمدا اتالىپ ٶتتٸ. مەرەيتوي ونىمەن بٸتكەن جوق, بيىل دا جالعاسىن تابۋدا. بٸز دە ٶز تاراپىمىزدان بٸر كٸسٸدەي اتسالىسىپ جاتقان جايىمىز بار», - دەدٸ «وتانداستار» اق-نىڭ ۆيتسە-پرەزيدەنتٸ ماعاۋييا سارباسوۆ ايتۋلى شارادا.
اۆتورلاردىڭ مەلٸمدەۋٸنشە, كٸتاپقا ABAI TV تەلەارناسىنىڭ اشىلۋى, عىلىمي كونفەرەنتسييالار مەن سيمپوزيۋمدار, مەرەيتويلىق مونەتالار مەن ماركالار, شەتەلدەردەگٸ اباي ەسكەرتكٸشتەرٸ, ساياباقتار, كٶشەلەر مەن مەدەني-اقپاراتتىق ورتالىقتاردىڭ اشىلۋى سيياقتى مەرەيتوي جىلىندا اتقارىلعان ماڭىزدى وقيعالار ەنگەن.
سونداي-اق, اتالعان شارادا اباي شىعارمالارىنىڭ جاپون, كورەي, تٷرٸك, اعىلشىن, قىرعىز, پورتۋگال, اراب, يتاليان, قىتاي جەنە ەلەمنٸڭ باسقا دا كٶپتەگەن تٸلدەرٸنە اۋدارىلىپ شىعاتىنى ايتىلدى.
