نۇر-سۇلتاندا 1989 جىلى تۋعان جٸگٸت كٶپقاباتتى ٷيدەن قۇلاپ كٶز جۇمدى, دەپ حابارلايدى "ۇلت اقپارات" قالالىق قوعامدىق دەنساۋلىق ساقتاۋ باسقارماسىنا سٸلتەمە جاساپ.
«21 ماۋسىم كٷنٸ كەشكٸ ۋاقىتتا قالالىق جەدەل مەديتسينالىق جەردەم ستانتسيياسىنا كٶپ قاباتتى عيماراتتان قۇلاعان ەر ادام تۋرالى قوڭىراۋ تٷستٸ. دەرٸگەرلەر توبى دەرەۋ وقيعا ورنىنا جەتتٸ. 1989 جىلى تۋعان ەر ادام №2 كٶپسالالى قالالىق اۋرۋحاناعا جەتكٸزٸلدٸ. ٶكٸنٸشكە قاراي, العان اۋىر جاراقاتى سالدارىنان ول قايتىس بولدى», - دەپ حابارلايدى باسقارمادان.
دەل سول كٷنٸ سول مەكەنجايدا تاعى بٸر وسىنداي وقيعا تٸركەلگەن.
«كٶپ قاباتتى ٷيدەن ەيەل ادام قۇلاعان. 1986 جىلى تۋعان ەيەل №2 كٶپسالالى قالالىق اۋرۋحاناعا جەتكٸزٸلدٸ. ونىڭ جامباس سٷيەگٸ سىنعان. باس سٷيەك-مي جاراقاتىن العان. بارلىق قاجەتتٸ مەديتسينالىق كٶمەك تولىق كٶرسەتٸلدٸ, ول پالاتادا جاتىر», - دەلٸنگەن حابارلامادا.
