نۇر-سۇلتان قالاسىنىڭ ەكٸمٸ التاي كٶلگٸنوۆ ەلوردانىڭ تۋريستٸك ەلەۋمەتٸ تۋرالى باياندادى, دەپ حابارلايدى قازاقپارات.
«قالاداعى تۋريزم سالاسى ٶتە قارقىندى دامىپ كەلەدٸ. سوڭعى 10 جىلدا تۋريستەر مەن قوناق ٷيلەر سانى ەسەلەپ ارتتى. نۇر-سۇلتان قالاسىنداعى جاڭا ەۋەجاي تەرمينالىنىڭ اشىلۋى جولاۋشىلار اعىنىن 3,5 ەسەگە كٶبەيتۋگە مٷمكٸندٸك بەردٸ. بٸزدٸڭ ەۋەجاي جىلىنا 8 ملن تۋريستٸ قابىلداي الادى», - دەدٸ ەكٸم PATA Travel Mart 2019 ازييا-تىنىق مۇحيتى ەلدەرٸنٸڭ حالىقارالىق تۋريستٸك كٶرمەسٸندە.
ونىڭ ايتۋىنشا, بيىل ەلوردا Mastercard كومپانيياسىنىڭ ٷزدٸك 200 تۋريستٸك باعىتى رەيتينگٸنە ەندٸ.
«نيۋ-يورك, لوس-اندجەلەس, كۋالا-لۋمپۋر سىندى جاھاندىق قالالاردىڭ تەجٸريبەسٸن زەرتتەپ, Nur-Sultan - NS تۋريستٸك برەندٸ جاسالدى. پرەزيدەنتتٸڭ تاپسىرماسىمەن بيىل استانادا حالىقارالىق تۋريزم مەن قوناقجايلىلىق ۋنيۆەرسيتەتٸ اشىلادى», - دەدٸ ا. كٶلگٸنوۆ.
ودان بٶلەك, ەلوردانىڭ تۋريزمٸن دامىتۋدىڭ ٷش نەگٸزگٸ باعىتى انىقتالعان.
«بٸرٸنشٸ باعىت - وقيعالىق, ٸس-شارالار تۋريزمٸن دامىتۋ, ەلەم چەمپيوناتتارىن كٶپتەپ ۇيىمداستىرۋ. مىسالى, قازٸر نۇر-سۇلتاندا كٷرەستەن ەلەم چەمپيوناتى ٶتٸپ جاتىر. ماۋسىم ايىندا ورتالىق ازييانىڭ Comic Con فەستيۆالٸ ٶتتٸ, وعان 53 مىڭ ادام كەلدٸ. شٸلدە ايىندا دەستٷرلٸ Ironman ٶتكٸزدٸك. ەكٸنشٸ باعىت - مەديتسينالىق تۋريزم. حالىقارالىق ساراپشىلار نۇر-سۇلتاندا مەديتسينالىق تۋريزمنٸڭ ٷلكەن ەلەۋەتٸن كٶرٸپ وتىر. JSI اككرەديتتەگەن جەتٸ ۇيىمنىڭ التاۋى بٸزدٸڭ استانامىزدا ورنالاسقان. ٷشٸنشٸدەن, نۇر-سۇلتان - ەۋرازيياداعى ٷزدٸك كٶرمە ورتالىعى. بٸز حالىقارالىق كونگرەسستەر مەن كونفەرەنتسييالار قاۋىمداستىعىنىڭ ەۋرازيياداعى ەڭ ٸرٸ مٷشەسٸمٸز. حالىقارالىق دەڭگەيدەگٸ شارالار شەتەلدٸك قوناقتاردى كٶبەيتٸپ قانا قويماي, قالا ەكونوميكاسىنىڭ دامۋىنا ىقپال ەتەدٸ», - دەدٸ ا. كٶلگٸنوۆ.
ەسكە سالا كەتسەك, تمد اۋماعىندا العاش رەت نۇر-سۇلتاندا PATA Travel Mart 2019 ازييا-تىنىق مۇحيتى ەلدەرٸنٸڭ حالىقارالىق تۋريستٸك كٶرمەسٸ اشىلدى. وعان ازييا-تىنىق مۇحيتى ايماعى ەلدەرٸنٸڭ 250-دەن استام تۋريستٸك كومپانيياسى قاتىسۋدا. كٶرمە اياسىندا Tax Free قازاقستاننىڭ تۋريستەرگە سالىقسىز جٷيەسٸ ٸسكە قوسىلادى.
