© Sputnik / ۆلاديسلاۆ ۆودنەۆ
مەملەكەت باسشىسى قاسىم-جومارت توقاەۆ قازاقستان رەسپۋبليكاسىنىڭ ەلورداسى - نۇر-سۇلتان قالاسىنىڭ اتاۋىن قازاقستان رەسپۋبليكاسىنىڭ ەلورداسى - استانا قالاسى دەپ ٶزگەرتۋ تۋرالى جارلىققا قول قويدى, - دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
"قازاقستان رەسپۋبليكاسىنىڭ əكٸمشٸلٸك-اۋماقتىق قۇرىلىسى تۋرالى" 1993 جىلعى 8 جەلتوقسانداعى قازاقستان رەسپۋبليكاسى زاڭىنىڭ 9-بابىنا سەيكەس قاۋلى ەتەمٸن:
1. قازاقستان رەسپۋبليكاسىنىڭ ەلورداسى - نۇر-سۇلتان قالاسىنىڭ اتاۋى قازاقستان رەسپۋبليكاسىنىڭ ەلورداسى - استانا قالاسى دەپ ٶزگەرتٸلسٸن.
2. وسى جارلىق العاشقى رەسمي جارييالانعان كٷنٸنەن باستاپ قولدانىسقا ەنگٸزٸلەدٸ", - دەلٸنگەن جارلىقتا.
بۇعان دەيٸن سەنات پەن مەجٸلٸس دەپۋتاتتارى ەلوردا اتاۋىن ٶزگەرتۋدٸ قولداپ, داۋىس بەرگەن بولاتىن. ەلوردا اتاۋىن استانا دەپ ٶزگەرتۋ "كونستيتۋتسيياعا ٶزگەرٸستەر مەن تولىقتىرۋلار ەنگٸزۋ تۋرالى" زاڭ جوباسىنا ەنگٸزٸلگەن. ەلوردا مەسليحاتىندا قوعامدىق تىڭداۋلار ٶتٸپ, وندا دەپۋتاتتار بۇل باستامانى بٸراۋىزدان قولدادى.
ەسكە سالايىق, قىركٷيەكتٸڭ باسىندا "جاڭا قازاقستان" دەپۋتاتتارى ەلوردانىڭ بۇرىنعى اتاۋىن قايتارۋدى ۇسىنعان ەدٸ.
باستاماعا توقتالعان پرەمەر-مينيستردٸڭ بٸرٸنشٸ ورىنباسارى رومان سكليار بۇل يدەيا قوعامدا بۇرىننان تالقىلانىپ كەلە جاتقانىن ايتتى. سەنات تٶراعاسى مەۋلەن ەشٸمباەۆ بولسا, بۇل ۇسىنىستا "ەشقانداي ساياسي استار جوق" ەكەنٸن ايتتى.
