ەلوردادا سۋ تاسقىنىنا قارسى شارالار كٷشەيتٸلدٸ, دەپ حابارلايدى قازاقپارات قالا ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
كوميسسييا قالا اۋماعىندا سۋ باسۋ قاۋپٸ بار 30-دان استام ۋچاسكەنٸ انىقتادى. كٶكتەمگٸ سۋ باسۋ قاۋپٸنٸڭ الدىن الۋ جٷرگٸزٸلٸپ جاتىر. سونداي-اق ارىقتى, نٶسەرلٸك كەرٸز جٷيەلەرٸن تازارتۋ جالعاسۋدا.
بۇدان باسقا, ەسٸل ٶزەنٸنٸڭ ارناسىن (ش. بەيسەكوۆا كٶشەسٸندەگٸ كٶپٸرگە دەيٸن اۋدان) كەڭەيتۋ اياقتالدى. قازٸر ارنانى قايتا جاڭارتۋ, سۋ رەتتەيتٸن بٶگەت سالۋ قولعا الىنعان.
«سۋ تاسقىنىنا قارسى ٸس-شارالاردى كٷشەيتۋ قاجەت. ەلدٸ مەكەندەرگە باسا نازار اۋدارۋىمىز كەرەك. جەكە سەكتور تۇرعىندارىنا ٷيٸنٸڭ شاتىرىن جەنە ٸرگەلەس اۋماقتى قاردان ۋاقىتىلى تازالاۋ تۋرالى حابارلاما بەرٸلٸپ جاتىر. تۇرعىندار اۋلاسىنداعى قاردى جول جيەگٸنە شىعارىپ جيناعان كەزدە عانا كوممۋنالدىق قىزمەتتەر الىپ كەتەدٸ. ەلدٸ مەكەندەر ەرەكشە باقىلاۋدا. ايتالىق, يلينكادا بٶگەت نىعايتىلدى, ال «كٶكتال-1» ەلدٸ مەكەنٸندە ۋاقىتشا قۇم بٶگەت سالىندى. «ٶندٸرٸستە» ٶزەن ارناسىن قالپىنا كەلتٸرۋ جۇمىسى جٷرگٸزٸلۋدە, بۇل ٶزەن سۋىنىڭ كەدەرگٸسٸز ٶتۋٸن قامتاماسىز ەتەدٸ«, - دەدٸ قالا ەكٸمٸ التاي كٶلگٸنوۆ.
قالا مەن شەتكەرٸ ايماقتاردى سۋ تاسقىنىنان قورعايتىن كونترەگۋلياتوردىڭ جۇمىس رەجٸمٸ بەكٸتٸلدٸ. كٶكتەمگٸ سۋ تاسقىنىن قاۋٸپسٸز ٶتكٸزۋدٸ قامتاماسىز ەتۋ ماقساتىندا مايبالىق كٶلٸنەن «نۇرا-ەسٸل« كانالىنا دەيٸن جۇمىس ٸستەپ تۇرعان ارنانىڭ ٶتكٸزۋ قابٸلەتٸ ارتتىرىلادى.
كوممۋنالدىق قىزمەتتەر كٷشەيتٸلگەن رەجٸمدە قار تازالاۋعا كٶشتٸ. بٷگٸندە قالا اۋماعىنان 4,6 ملن تەكشە مەتر قار شىعارىلدى. ٶتكەن قىستا شىعارىلعان قار كٶلەمٸ ەكٸ ەسە از بولدى. بىلتىر تەك 1,9 ملن تەكشە مەتر قار شىعارىلدى.
«قازگيدرومەت« رمك گيدرومەتەورولوگييالىق ورتالىعىنىڭ ديرەكتورى مارينا شميدتتٸڭ ايتۋىنشا «بىلتىر قىستا جاۋعان قاردىڭ كٶلەمٸ - 102 مم بولسا, بيىل قىستا قاراشا مەن اقپان ارالىعىندا جاۋعان قار كٶلەمٸ 173 مم-گە جەتكەن. بۇل شامامەن نورمادان ەكٸ ەسە جوعارى» (بٸر ايدىڭ نورماسى -15 مم بولسا, 15 كٷندە 34 مم قار جاۋدى).
سۋ تاسقىنىنا قارسى شارالار بويىنشا تۇرعىندار مىنا تەلەفوندار ارقىلى حابارلاسا الادى:
«سارىارقا» اۋدانى: 8-778-710-91-00, «بايقوڭىر» اۋدانى: 8-702-348-82-88, 8-701-999-22-89, «الماتى» اۋدانى: 8-707-795-13-88. جەلەزودوروجنىي, ٶندٸرٸس ەلدٸ مەكەنٸ: 8-778-669-97-70, قوسىمشا تەل. 8-707-878-11-31, 8-701-407-80-52.
ميچۋرينو, كٷيگەنجار, ينتەرناتسيونالنىي: 8-707-588-72-27, قوسىمشا تەل. 8-701-715-62-30. وڭتٷستٸك شىعىس شاعىن اۋدانى بويىنشا: 8-702-4444-52-99, قوسىمشا تەل. 8-702-905-59-95, 8-777-077-77-89. «ەسٸل» اۋدانى: 8-701-121-25-35 («پريگورودنىي», «زارەچنىي», «تەلمان»),8-778-176-31-11 («ٷركەر», «شىعىس يلينكا»).
