نۇر-سۇلتان قالاسىندا قازاقستاننىڭ حالىق جازۋشىسى, مەملەكەت جەنە قوعام قايراتكەرٸ ەبٸش كەكٸلبايۇلىنىڭ 80 جىلدىعىنا وراي جازۋشىنىڭ اتىنا كٶشە بەرٸلدٸ, – دەپ حابارلايدى «ۇلت اقپارات».
جازۋشىنىڭ ەسٸمٸنە كٶشە بەرۋ سالتاناتىنا مەملەكەتتٸك حاتشى قىرىمبەك كٶشەرباەۆ پەن نۇر-سۇلتان قالاسىنىڭ ەكٸمٸ التاي كٶلگٸنوۆ قاتىستى. كٶشە استانانىڭ سول جاعالاۋىندا ەكسپو اۋماعىنا جاقىن ماڭدا ورنالاسقان. مەڭگٸلٸك ەل كٶشەسٸمەن قيىلىسادى.
«بٷگٸنگٸ كٷن – ٷلكەن قۋانىشتى سەت دەپ ويلايمىن. ٶيتكەنٸ, تۇڭعىش پرەزيدەنتٸمٸز – ەلباسىنىڭ ۇسىنىسىمەن وسى ەۋرازييانىڭ تٶرٸندە سارىارقانىڭ تٶسٸندە جاڭا استانامىز سالىندى. ەلباسى كٶتەرگەن وسى باستاماسىنا تٸلەگٸن قوسىپ, شىن جٷرەگٸمەن نيەتٸن بٸلدٸرٸپ, قولداۋ كٶرسەتكەن ەبٸش اعانىڭ اتىندا كٶشە اشىلىپ جاتىر. بٸز اللا تاعالاعا «ەبەكەڭدٸ الىپ كەتتٸڭ» دەپ ٶكپە ايتا المايمىز. قازاقتا وسىنداي ۇلى ابىز ادام بولعانى ٷشٸن راحمەت ايتايىق. ەكٸ عاسىردىڭ توعىسىندا, تەۋەلسٸزدٸكتٸڭ ەلەڭ-الاڭ كەزەڭٸندە تۇڭعىش پرەزيدەنتٸمٸز نۇرسۇلتان ەبٸشۇلى, ەبٸش كەكٸلبايۇلى سەكٸلدٸ ۇلى تۇلعالاردىڭ بولۋى – بٸزدٸڭ قازاققا اللانىڭ كٶرسەتكەن قولداۋى, جاقسىلىعى دەپ ەسەپتەيمٸز. داڭعىلدىڭ بويىندا جٷرەتٸن ٶسكەلەڭ ۇرپاق ەبٸش كەكٸلبايۇلىنىڭ كٸم ەكەنٸن, وسى نۇر-سۇلتان قالاسىنىڭ نە ٷشٸن سالىنعانىن ەسكەرٸپ, تەۋەلسٸزدٸگٸمٸزدٸ باياندى ەتۋگە ٷلەستەرٸن قوسا بەرسٸن دەپ تٸلەيمٸز», - دەدٸ جيىن بارىسىندا قىرىمبەك كٶشەرباەۆ.
مەملەكەتتٸك حاتشى ٶز سٶزٸندە سالتاناتتى شاراعا كەلگەن جازۋشىنىڭ جارى كلارا جۇمابايقىزىن قۇتتىقتادى. ٶز كەزەگٸندە نۇر-سۇلتان قالاسىنىڭ ەكٸمٸ التاي كٶلگٸنوۆ ەلوردا كٶشەلەرٸنٸڭ بٸرٸنە ەبٸش كەكٸلبايۇلىنىڭ ەسٸمٸ بەرٸلۋٸن تاريحي وقيعاعا تەڭەدٸ.
«ەلباسىنىڭ قاسىندا جىلدار بويى سەرٸك بولا جٷرٸپ, قازاق ەلٸن مەڭگٸلٸك ەل ەتۋگە ٷلكەن ەڭبەك ەتكەن اعامىز مەڭگٸ ەسٸمٸزدە بولارى سٶزسٸز. ەبٸش اعامىزعا بٷگٸن اس بەرٸلٸپ, كەشكە ەسكە الۋ كەشٸ ٶتەدٸ. بۇل - مەملەكەتٸمٸزدٸڭ مەدەنيەت قايراتكەرلەرٸنە, جازۋشىلارعا, قازاق ەلٸنٸڭ بٸرلٸگٸن كٶتەرٸپ جٷرگەن ازاماتتارعا دەگەن ٷلكەن قۇرمەت. سوندىقتان, بٷگٸنگٸ ٸس-شارا بارشامىزعا قۇتتى بولسىن», - دەدٸ قالا باسشىسى.
