ەلوردا ەكٸمٸ التاي كٶلگٸنوۆ جۇمىس ساپارلارى كەزٸندە قانداي كٶلٸكپەن جٷرەتٸنٸن ايتتى, دەپ حابارلايدى Sputnik قازاقستان.
"مەن قازٸر Toyota Camry مٸنٸپ جٷرمٸن, ورىنباسارلارىمدا دا قازاقستاندا شىعارىلعان اۆتوكٶلٸكتەر. بٸز تاكسي قىزمەتٸن پايدالانامىز", - دەدٸ كٶلگٸنوۆ بريفينگتە.
ول شەنەۋنٸكتەر مٸنەتٸن بارلىق اۆتوكٶلٸك قالا ەكٸمدٸگٸمەن كەلٸسٸمشارت بەكٸتكەن تاكسي قىزمەتٸنە تيەسٸلٸ ەكەنٸن اتاپ ٶتتٸ.
"مۇنداي شەشٸم بٸرنەشە جىل بۇرىن قابىلداندى. بٸزدە ەكٸمدٸكپەن جۇمىس ٸستەيتٸن تاكسي قىزمەتٸ بار. بٸز سونى پايدالانامىز, مۇنى جاسىرمايمىز دا. باسقارما باسشىلارى, ەكٸم ورىنباسارلارى, اۋدان ەكٸمدەرٸ – بەرٸ تاكسيمەن جٷرەدٸ", - دەدٸ كٶلگٸنوۆ.
ەلوردالىق شەنەۋنٸكتەر قىزمەتتٸك كٶلٸكتەن تاكسيگە 2018 جىلى اۋىستى. وسىدان كەيٸن نۇر-سۇلتان ەكٸمدٸگٸ عيماراتىنىڭ ماڭىندا ارنايى تۇراق پايدا بولدى.
سول كەزدە قىزمەتتٸك اۆتوكٶلٸكتەردەن باس تارتۋ نەتيجەسٸندە بەس جىلدا 1 ميلليارد تەڭگە ٷنەمدەلەتٸنٸ حابارلانعان ەدٸ. بوساعان 64 كٶلٸك مەكتەپتەر مەن اۋرۋحانالارعا بەرٸلدٸ.
