Elorda ákimi Altai Kólginov jumys saparlary kezinde qandai kólikpen júretinin aitty, dep habarlaidy Sputnik Qazaqstan.
"Men qazir Toyota Camry minip júrmin, orynbasarlarymda da Qazaqstanda shyǵarylǵan avtokólikter. Biz taksi qyzmetin paidalanamyz", - dedi Kólginov brifingte.
Ol sheneýnikter minetin barlyq avtokólik qala ákimdigimen kelisimshart bekitken taksi qyzmetine tiesili ekenin atap ótti.
"Mundai sheshim birneshe jyl buryn qabyldandy. Bizde ákimdikpen jumys isteitin taksi qyzmeti bar. Biz sony paidalanamyz, muny jasyrmaimyz da. Basqarma basshylary, ákim orynbasarlary, aýdan ákimderi – bári taksimen júredi", - dedi Kólginov.
Elordalyq sheneýnikter qyzmettik kólikten taksige 2018 jyly aýysty. Osydan keiin Nur-Sultan ákimdigi ǵimaratynyń mańynda arnaiy turaq paida boldy.
Sol kezde qyzmettik avtokólikterden bas tartý nátijesinde bes jylda 1 milliard teńge únemdeletini habarlanǵan edi. Bosaǵan 64 kólik mektepter men aýrýhanalarǵa berildi.
