ٷش ايعا جالعاسقان «Nur Otan» پارتيياسىنىڭ تۇڭعىش رەسپۋبليكالىق پرايمەريزٸ اياقتالدى. بۇل تۋرالى پارتييا تٶراعاسىنىڭ بٸرٸنشٸ ورىنباسارى باۋىرجان بايبەك مەلٸم ەتتٸ, دەپ حابارلايدى "ۇلت اقپارات".
«ەلباسى, پارتييا ليدەرٸ نۇرسۇلتان نازارباەۆتىڭ باستاماسىمەن قولعا الىنعان «Nur Otan» پارتيياسىنىڭ تۇڭعىش رەسپۋبليكالىق پرايمەريزٸ اياقتالدى.
ول ٷش اي بويى – 17 تامىزدان 17 قاراشاعا دەيٸن جٷردٸ.
بۇل ٷش اي ٷمٸتكەرلەر ٷشٸن دە, سول سەكٸلدٸ پارتييانىڭ ورتالىق اپپاراتىنان باستاپ, اۋداندىق فيليالدارىنا دەيٸنگٸ بارشا قىزمەتكەرلەرٸ ٷشٸن دە ٷمٸت پەن كٷدٸككە تولى قاربالاس سەت بولعانى سٶزسٸز. وسىنداي اۋقىمدا پرايمەريز ٶتكٸزۋ وڭايعا سوقپادى. دەسە دە, پارتييا ليدەرٸ مەن پارتييالاستاردىڭ, سونداي-اق جاقتاستار ليگاسىنىڭ قولداۋىنىڭ ارقاسىندا بٸز «Nur Otan»-دى «قايتا جانداندىرۋ» بويىنشا العا قويىلعان مٸندەتتەردٸ تيٸسٸنشە ورىنداپ شىقتىق.
ٸرٸكتەۋ پروتسەسٸنٸڭ اشىقتىعى مەن ايقىندىعىنىڭ ارقاسىندا پرايمەريزگە دەگەن جۇرت قىزىعۋشىلىعى وسى كەزەڭ ٸشٸندە تولاس تاپپادى. داۋىس بەرۋدٸڭ بٸرٸنشٸ كەزەڭٸنە 662 مىڭنان اسا ادامنىڭ, ياعني بارشا نۇروتاندىقتاردىڭ 84% قاتىسۋى – وسىنىڭ ايعاعى. پرايمەريزگە قاتىسقان 10 مىڭ ٷمٸتكەردٸڭ ەرقايسىسىنىڭ ٶز جاقتاستارى مەن باقىلاۋشىلارى بولدى. بۇل اتالعان ٸس-شاراعا 1,5 ميلليونداي قازاقستاندىقتى تارتۋعا مٷمكٸندٸك بەردٸ», - دەپ جازدى ب.بايبەك Facebook-پاراقشاسىندا.
ونىڭ ايتۋىنشا, پارتيياٸشٸلٸك ٸرٸكتەۋ ەل ٸشٸندەگٸ بەلسەندٸ دە تالانتتى جانداردىڭ ٶزدەرٸن كٶرسەتٸپ, يدەيالارىن تانىستىرۋىنا, جاڭا جاقتاستار مەن دوستار تابۋىنا جول اشتى.
«سونىمەن, ەكٸنشٸ كەزەڭنٸڭ قورىتىندىسى بويىنشا 6253 ادام «Nur Otan»-نىڭ بارلىق دەڭگەيدەگٸ 216 مەسليحاتقا ارنالعان پارتييالىق تٸزٸمدەرٸنە ەندٸ.
كٷنٸ كەشە عانا پرايمەريزدٸڭ ٷشٸنشٸ كەزەڭٸ اياقتالدى. «Nur Otan»-نىڭ قازاقستان رەسپۋبليكاسى پارلامەنتٸنٸڭ مەجٸلٸسٸنە ارنالعان پارتييالىق تٸزٸمٸنە 17 ٶڭٸردەن كانديداتتار انىقتالدى.
پٸكٸرسايىستار قورىتىندىسى بويىنشا 267 ٷمٸتكەردٸڭ ٸشٸنەن جاسىرىن رەيتينگتٸك ەلەكتروندى داۋىس بەرۋ ارقىلى 78 ادام سايلاندى.
ونىڭ ٸشٸندە 9 كانديدات – پرايمەريزگە قاتىسۋ ٷشٸن قاتارىمىزعا قوسىلعان پارتييانىڭ جاڭا مٷشەلەرٸ. پارتييالىق تٸزٸمگە مەجٸلٸستٸڭ قىزمەتتەگٸ دەپۋتاتتارىنان 5 ادام ەندٸ.
پارتييالىق تٸزٸمنٸڭ ٷشتەن بٸرٸنە جۋىعىن ەيەلدەر قۇراسا, ال 12 كانديدات – 35 جاسقا دەيٸنگٸ جاستار. جەڭٸمپازداردىڭ ورتاشا جاسى – 47 جاس.
ولاردىڭ 27% - شاعىن جەنە ورتا بيزنەس ٶكٸلدەرٸ, 24,5% - ەكونوميستەر, 11,5% - زاڭگەرلەر, ال 6 كانديداتتىڭ عىلىمي دەرەجەسٸ بار. ەسٸرەسە, ٶنەركەسٸپ, مەملەكەتتٸك باسقارۋ, بٸلٸم, دەنساۋلىق ساقتاۋ, سونداي-اق ٷكٸمەتتٸك ەمەس سەكتوردىڭ ٶكٸلدەرٸ باسىمدىققا يە.
وسى ورايدا پرايمەريزدە توپ جارعانداردى قۇتتىقتاي وتىرىپ, ەلباسى, پارتييامىزدىڭ ليدەرٸنٸڭ باستاماسىنا قولداۋ بٸلدٸرٸپ, ساياسي دودادا باق سىناعان 10 مىڭ قاتىسۋشىنىڭ ەرقايسىسىنا شىنايى العىس بٸلدٸرەمٸن!
قىمباتتى دوستار, سٸزدەردٸڭ ارقالارىڭىزدا پرايمەريز پارتييالىق «ەلەۋمەتتٸك ليفت» ارقىلى تالانتتى دا بەلسەندٸ, ەل تاعدىرىنا الاڭدايتىن ازاماتتاردى جاۋاپتى ٸستەرگە ارالاستىرۋدىڭ پەرمەندٸ قۇرالىنا اينالدى. مۇندا ەشكٸم دە ۇتىلعان جوق. بەرٸ دە يگٸلٸككە جەتتٸ. ەسٸرەسە, ەلٸمٸز ٷشٸن يگٸ ٸس بولدى! پارتييالىق تٸزٸمدەر بويىنشا سايلاۋ جٷيەسٸن ەنگٸزۋ اياسىندا بٸز بەرٸمٸز بٸرگە ەلٸمٸزدە جاڭا ساياسي مەدەنيەتتٸ قالىپتاستىرۋعا جول اشتىق.
وڭ تەجٸريبەنٸ ەسكەرە وتىرىپ, پارتييا ليدەرٸ نۇرسۇلتان نازارباەۆ «Nur Otan»-نىڭ جارعىسىنا پارتييانىڭ پرايمەريز – پارتيياٸشٸلٸك سايلاۋىن ٶتكٸزۋٸ تۋرالى نورمانى ەنگٸزۋدٸ تاپسىردى. جارعىعا ەنگٸزٸلەتٸن ٶزگەرٸستەردٸڭ تيٸستٸ جوباسى بيىلعى 25 قاراشادا ٶتەتٸن پارتييانىڭ كەزەكتەن تىس حح سەزٸنٸڭ بەكٸتۋٸنە شىعارىلادى.
بۇل رەتتە ەلباسى باستاماشىلىق ەتكەن «سەنٸم. ديالوگ. بولاشاققا نىق قادام» پارتييانى «قايتا جانداندىرۋ باعدارلاماسى ٶز تيٸمدٸلٸگٸن كٶرسەتكەنٸن ناقتى ايتۋعا بولادى.
زامان العا تارتقان تالاپتاردى ۋاقتىلى ەسكەرە وتىرىپ, «Nur Otan» تەك جاڭارىپ قانا قويماي, بەسەكەلەستٸك نەگٸزدە جۇرت قولداۋىنا يە بولعان پارتييالىق تٸزٸمدٸ قالىپتاستىردى. سونداي-اق, ەربٸر اۋدان, قالا جەنە ٶڭٸر بويىنشا حالىق پٸكٸرٸ بارىنشا ەسكەرٸلگەن 216 سايلاۋالدى باعدارلامانى قابىلدادى.
بٸز بەكەم بٸرلٸك پەن بەرەكەلٸ تٸرلٸككە سٷيەنە وتىرىپ قانا ەلٸمٸزدٸ ٶركەندەتەمٸز!», - دەدٸ باۋىرجان بايبەك.
