سەنبٸ كٷنٸ 200 مىڭنان استام ادام قاۋٸپسٸز جەرگە كٶشٸرۋ تۋرالى نۇسقاۋ الدى, دەپ حابارلايدى Kyodo اگەنتتٸگٸ.
نۇسقاۋدى كۋماموتو جەنە كاگوسيما پرەفەكتۋراسىنىڭ تۇرعىندارى الدى, وندا قاۋٸپ-قاتەردٸڭ ەڭ جوعارى دەڭگەيٸ جارييالاندى, ول ادامداردىڭ ٶمٸرٸنە تٸكەلەي قاۋٸپ تٶندٸرەدٸ. سوڭعى مەلٸمەتتەر بويىنشا, كەم دەگەندە 13 ادام ٶزەن ارناسىنان اسىپ, سۋ باسقان اكيسيتا كەنتٸندە (كۋماموتو پرەفەكتۋراسى) جوعالىپ كەتكەن.
Kyushu Electric Power ەنەرگەتيكالىق كومپانيياسىنىڭ مەلٸمەتٸ بويىنشا, نٶسەر جاڭبىر سالدارىنان كۋماموتو پرەفەكتۋراسىنداعى 9 مىڭعا جۋىق ٷي جارىقسىز قالدى.
پرەمەر-مينيستر سيندزو ابە كەڭسەسٸ جانىنان داعدارىس شتابى قۇرىلدى. ول كەلٸپ تٷسكەن اقپاراتتى جيناقتاپ, تالدايدى. جاپونييانىڭ ٶزٸن-ٶزٸ قورعاۋ كٷشتەرٸنٸڭ جاساقتارى جەرگٸلٸكتٸ قۇتقارۋ قىزمەتتەرٸنە كٶمەك كٶرسەتۋ ٷشٸن ٶڭٸرگە كەلۋگە دايىندالۋدا.
جاپونييانىڭ ۇلتتىق مەتەورولوگييالىق باسقارماسى ەلدٸڭ وڭتٷستٸك باتىسىندا بۇرىن-سوڭدى بولماعان جاڭبىر جاۋعانىن اتاپ ٶتتٸ. كۋماموتو پرەفەكتۋراسىنىڭ كەيبٸر اۋداندارىندا كٷنٸنە 479,5 مم جاڭبىر جاۋعان.
