Senbi kúni 200 myńnan astam adam qaýipsiz jerge kóshirý týraly nusqaý aldy, dep habarlaidy Kyodo agenttigi.
Nusqaýdy Kýmamoto jáne Kagosima prefektýrasynyń turǵyndary aldy, onda qaýip-qaterdiń eń joǵary deńgeii jariialandy, ol adamdardyń ómirine tikelei qaýip tóndiredi. Sońǵy málimetter boiynsha, kem degende 13 adam ózen arnasynan asyp, sý basqan Akisita kentinde (Kýmamoto prefektýrasy) joǵalyp ketken.
Kyushu Electric Power energetikalyq kompaniiasynyń málimeti boiynsha, nóser jańbyr saldarynan Kýmamoto prefektýrasyndaǵy 9 myńǵa jýyq úi jaryqsyz qaldy.
Premer-Ministr Sindzo Abe Keńsesi janynan daǵdarys shtaby quryldy. Ol kelip túsken aqparatty jinaqtap, taldaidy. Japoniianyń Ózin-ózi qorǵaý kúshteriniń jasaqtary jergilikti qutqarý qyzmetterine kómek kórsetý úshin óńirge kelýge daiyndalýda.
Japoniianyń Ulttyq meteorologiialyq basqarmasy eldiń ońtústik batysynda buryn-sońdy bolmaǵan jańbyr jaýǵanyn atap ótti. Kýmamoto prefektýrasynyń keibir aýdandarynda kúnine 479,5 mm jańbyr jaýǵan.
