اقش-تاعى ەلەم چەمپيوناتىندا قازاقستاندىق جەڭٸلاتلەت نورا دجەرۋتو كەدەرگٸلەر ارقىلى 3000 مەترگە جٷگٸرۋدەن رەكورد ورناتىپ, جەڭٸسكە جەتتٸ, - دەپ حابارلايدى Tengrinews.kz اگەنتتٸگٸ Vesti.kz سايتىنا سٸلتەمە جاساپ.
دجەرۋتو 8:53.02-دە مەرەگە جەتتٸ. چەمپيون فەدەراتسييانىڭ باسپاسٶز قىزمەتٸنە الداعى جوسپارلارى تۋرالى ايتىپ بەردٸ.
"ەلەم چەمپيوناتىندا جەڭٸسكە جەتكەنٸمە ٶتە قاتتى قۋانامىن ەرٸ باقىتتىمىن! جاڭا وتانىمنىڭ تۋى استىندا ٶنەر كٶرسەتۋ مٷمكٸندٸگٸن كٷتتٸم. بٷگٸن مەن ەلەم چەمپيوناتىندا قازاقستانعا ەرەكشە سىيلىق جاساپ, ٶزٸمدٸ كٶرسەتكٸم كەلدٸ. قولىمنان كەلدٸ دەپ ويلايمىن", - دەدٸ دجەرۋتو.
قازاقستاندىق بۇل قاشىقتىقتا تاريحتاعى ٷشٸنشٸ نەتيجەنٸ كٶرسەتٸپ, ەلەم چەمپيوناتىندا رەكورد ورناتتى. ول مۇنداي نەتيجەگە كٶپ ەڭبەك پەن ۇزاق دايىندىقتىڭ ارقاسىندا جەتكەنٸن ايتتى.
"بۇل ٶمٸرٸمدەگٸ ەڭ ماڭىزدى كٷندەردٸڭ بٸرٸ بولدى. مەن بٷكٸل كوماندانىڭ سەنٸمٸ مەن ٷمٸتٸن اقتادىم. بٸرٸنشٸدەن, وتباسىما جەنە قازاقستانعا سەنٸم بٸلدٸرگەنٸ ٷشٸن ەرەكشە العىسىمدى بٸلدٸرەمٸن. قازاقستاندىق تاراپ ايتارلىقتاي قولداۋ كٶرسەتٸپ, سوڭعى بەس جىلدا كەدەرگٸلەردەن ٶتۋدٸڭ تەحنيكاسى مەن ەدٸستەمەسٸن ٷيرەتتٸ. بۇل وسى قاشىقتىققا دايىندىقتىڭ ماڭىزدى كەزەڭدەرٸنٸڭ بٸرٸ. بٷگٸنگٸ نەتيجە – مەنٸڭ عانا ەمەس, بٷكٸل قازاقستاننىڭ جەڭٸسٸ. مەن قازاقستانداعى جەڭٸل اتلەتيكانىڭ ودان ەرٸ دامۋى ٷشٸن بار بٸلٸمٸمدٸ, تەجٸريبەم مەن كٷش-جٸگەرٸمدٸ جۇمساۋعا دايىنمىن", - دەپ بٶلٸستٸ ول.
ەندٸ چەمپيون "گاۋھار ليگاسىنىڭ" ەڭ بەدەلدٸ كەزەڭٸنە دايىندالىپ جاتىر. بويجەتكەن ول جاقتا دا مەدال الۋدان ٷمٸتتٸ.
"ٶكٸنٸشكە قاراي, ازييا ويىندارى ٶتپەي قالدى, وندا مەن دە ەلٸمٸزدٸڭ تۋىن كٶتەرۋدٸ جوسپارلاعان ەدٸم. سوعان قاراماستان, مەنٸ الدا تالاي جاڭا باستامالار كٷتٸپ تۇر. دەڭگەيدٸ تٷسٸرمەۋ ٷشٸن بارىمدى سالامىن", - دەپ بٶلٸستٸ نورا دجەرۋتو.
ەسكە سالايىق, كەنييانىڭ تۋماسى دجەرۋتو قازاقستانعا 2017 جىلى كٶشٸپ كەلگەن. 2022 جىلى ول ەلەم چەمپيوناتىندا قازاقستان اتىنان شىعۋعا رەسمي رۇقسات الدى.
