يراندىق كاراتەشٸ سادجاد گاندجزادە توكيو وليمپياداسىنىڭ فينالىندا نوكاۋتقا تٷستٸ. ال ەسٸن جيعاسىن چەمپيون اتانعانىن بٸلدٸ, دەپ حابارلايدى Sputnik قازاقستان.
75 كەلٸ سالماق دەرەجەسٸ بويىنشا ٶتكەن فينالدىق جەكپە-جەكتە گاندجزادە ساۋد ارابيياسىنىڭ ٶكٸلٸ تارەك حامەديمەن كەزدەسكەن. قارسىلاسى 4:1 ەسەبٸمەن جەڭٸسكە جەتتٸ. وعان قوسا يراندىق كاراتەشٸنٸ نوكاۋتقا تٷسٸردٸ. گاندجزادە ەسٸنەن تانىپ قالدى. وعان وتتەگٸ ماسكاسىن كيگٸزٸپ, زەڭبٸلمەن الىپ كەتكەن.
الايدا تٶرەشٸلەر يراندىق كاراتەشٸ جەڭدٸ دەپ شەشتٸ. سەبەبٸ حامەدي تىيىم سالىنعان سوققى جاسادى. تٶرەشٸلەردٸڭ شەشٸمٸمەن حامەدي جارىستان شەتتەتٸلدٸ. ال سادجاد گاندجزادە وليمپيادا چەمپيونى اتاندى.
ايتا كەتەرٸ, دەل وسى سالماقتا قازاقستاننىڭ اتىنان نۇرقانات ەجٸقانوۆ ٶنەر كٶرسەتكەن. بٸراق ول جارتىلاي فينالعا شىعا المادى. ال دارحان اسادٸلوۆ (67 كەلٸ) پەن سوفيا بەرۋلتسەۆا (+61 كەلٸ) قولا جٷلدەنٸ جەڭٸپ الدى.
