اتىراۋ وبلىسىنىڭ ەكٸمٸ نۇرلان نوعاەۆ فتيزياتر-دەرٸگەرلەردٸڭ سانىن كٶبەيتۋ ٷشٸن ولاردى باسپانامەن قامتاماسىز ەتۋ مەسەلەسٸن شەشپەك, دەپ حابارلايدى Sputnik قازاقستان تٸلشٸسٸ.
"تۋبەركۋلەزبەن اۋىرۋ كٶرسەتكٸشٸن تٶمەندەتۋ ٷشٸن, ەڭ ەۋەلٸ ناۋقاستار دەرٸگەردٸڭ بەرگەن نۇسقاۋلارىن قاتاڭ ساقتاۋى كەرەك. قازٸرگٸ كەزدە, ٶكٸنٸشكە قاراي, جازىلعان دەرٸلەردٸ, پروتسەدۋرالاردى ۋاقىتىندا الماۋ كەسٸرٸنەن بۇل اۋرۋ ٶرشٸپ تۇر. ٶتكەن اپتادا بٸز رەسپۋبليكانىڭ باس فتيزياترى, تۋبەركۋلەز مەسەلەلەرٸ جٶنٸندەگٸ ينستيتۋت باسشىسىنىڭ قاتىسۋىمەن ٷلكەن جينالىس ٶتكٸزدٸك. سول جيىندا تۋبەركۋلەزبەن كٷرەسكە قاتىستى بٸرقاتار شارا بەكٸتٸلدٸ. ينستيتۋت ديرەكتورى ايتقانداي, بٸزدە قازٸر دەرٸگەرلەردٸڭ ٶزدەرٸ بۇل اۋرۋ تٷرٸنەن قورقادى. "تۋبەركۋلەز – قاۋٸپتٸ اۋرۋ" دەي بەرگەنٸمٸزدٸڭ سالدارىنان بولاشاق دەرٸگەرلەر وسى ماماندىققا بارۋعا جٷرەكسٸنەدٸ ەكەن. سوندىقتان فتيزياتر-دەرٸگەرلەرٸن دايىنداۋ مەسەلەسٸ ٶتە ٶزەكتٸ", — دەدٸ ەكٸم وكق-دە ٶتكەن باسپاسٶز مەسليحاتىندا.
نوعاەۆتىڭ ايتۋىنشا, بىلتىر وبلىسقا 126 دەرٸگەر شاقىرىلعان, ولاردىڭ 75-ٸ جوعارى وقۋ ورنىن ەندٸ بٸتٸرگەندەر ەكەن. ال كادر تاپشىلىعى 240 ادامدى قۇراپتى. بيىل تاعى 100-گە جۋىق دەرٸگەر شاقىرۋ جوسپارلانىپ وتىر.
"اتالعان جۇمىس وسىنداي قارقىنمەن جٷرگٸزٸلسە, بٸز فتيزياتر-دەرٸگەرلەر تاپشىلىعىن جۋىق ارادا جويامىز. ەڭ الدىمەن, دەرٸگەرلەرگە ٷي بەرۋ, ولاردىڭ ەلەۋمەتتٸك مەسەلەلەرٸن شەشۋ قاجەت", — دەدٸ وبلىس باسشىسى.
