ماڭعىستاۋ وبلىسىنىڭ ەكٸمٸ نۇرلان نوعاەۆ ٶڭٸردەگٸ حالىقتى ەڭبەكپەن قامتۋ مەسەلەسٸنە قاتىستى تٷسٸنٸك بەردٸ, دەپ حابارلايدى قازاقپارات.
«يە, ٶڭٸردە جۇمىسسىزدىق مەسەلەسٸنٸڭ بارى راس. بٸراق, مەسەلە مەملەكەتتٸك باعدارلامالاردىڭ اياسىندا شەشٸمٸن تاۋىپ جاتىر. سول سيياقتى بارلىق ماڭعىستاۋلىقتاردى نەمەسە جاڭاٶزەندٸكتەردٸ مۇناي-گاز سالاسىنا جۇمىسقا كٸرگٸزۋ مٷمكٸن ەمەس. كەزٸندە وبلىس ەكٸمدٸگٸ, «قازمۇنايگاز» اق جەنە جەرگٸلٸكتٸ مۇناي-گاز ٶڭدەۋ كومپانييالارىمەن بٸرلەسٸپ بوس جۇمىس ورنىنا قابىلداۋدىڭ الگوريتمٸ ەزٸرلەنٸپ, قابىلداندى. ۋاقىت ٶتە كەلە ول الگوريتم ٶزٸنٸڭ تيٸمدٸلٸگٸن كٶرسەتتٸ. بٸز سول باعىتتاعى جۇمىستى جالعاستىراتىن بولامىز», - دەدٸ نۇرلان نوعاەۆ ونلاين ٶتكەن باسپاسٶز مەسليحاتىندا.
سونداي-اق, وبلىس باسشىسى ٶڭٸردە جۇمىسقا ورنالاسۋ بويىنشا پروبلەمانىڭ بارىن ايتتى.
«كەيدە بوس جۇمىسقا ورنالاسۋ اشىق تٷردە ٶتپەي جاتادى. نەمەسە جاۋاپتى تۇلعالاردىڭ قىزمەتٸن اسىرا سٸلتەپ پايدالانىپ جاتاتىن سەتتەر دە بار. سوندىقتان بٸز جوعارىدا اتالعان جۇمىسقا تۇرۋ الگوريتمٸن قايتا قاراپ, مەسەلەنٸ نازاردا ۇستايمىز. سولايشا جۇمىسقا ورنالاسۋدا اشىقتىقتى قامتاماسىز ەتپەكپٸز», - دەيدٸ ول.
ماڭعىستاۋ ەكٸمٸنٸڭ ايتۋىنشا, الدىمەن ەڭبەكپەن قامتۋ ورتالىعىندا رەسمي تٸركەلگەن ازاماتتار جۇمىسپەن قامتىلادى.
