ۆلاديسلاۆ گەراسكەۆيچ جارىستان كەيٸن "No war in Ukraine" (ۋكراينادا سوعىس بولماسىن) جازۋىن كٶرسەتٸپ تۇر. پەكين, 11 اقپان 2022 جىل.
پەكيندە ٶتٸپ جاتقان قىسقى وليمپيادا ويىندارىندا شانا سپورتىنان وليمپياداعا قاتىسقان ۋكراينالىق ۆلاديسلاۆ گەراسكەۆيچ جارىستان كەيٸن ۋكراينا تۋى تٷستەس قاعازعا جازىلعان "No war in Ukraine" (ۋكراينادا سوعىس بولماسىن) دەگەن جازۋدى كٶرسەتتٸ. وسى ارقىلى 23 جاستاعى رەسەي مەن ۋكراينا اراسىنداعى جاعدايدىڭ ۋشىققانىنا مەڭزەدٸ, دەپ حابارلايدى ازاتتىق.
"بۇل – مەنٸڭ ۇستانىمىم. بارلىق ادام سيياقتى مەن دە سوعىستى قالامايمىن. ەلٸمدە, ەلەمدە بەيبٸتشٸلٸك بولعانىن قالايمىن. ەشكٸم بۇل سوعىستى قالامايدى. ۇستانىمىم ٷشٸن, بەيبٸتشٸلٸك ٷشٸن كٷرەسەمٸن" دەدٸ سپورتشى جارىستان سوڭ.
ۆلاديسلاۆ گەراسكەۆيچ سوعىس پەن قارۋ جايلى جاڭالىقتان ۋكراينا جۇرتى الاڭداپ وتىرعانىن دا ايتتى.
"21 عاسىردا بۇل اقىلعا سىيمايدى. مۇنىڭ بەرٸ باستالماي تۇرىپ, ەلەمگە ۇستانىمىمدى كٶرسەتكٸم كەلدٸ" دەدٸ سپورتشى.
ۆلاديسلاۆ گەراسكەۆيچ جارىستا شانا جارىسىنان ەرلەر اراسىندا 18-ورىن الدى.
حالىقارالىق وليمپيادا كوميتەتٸنٸڭ (حوك) ەرەجەسٸنە ساي, سپورتشى جارىس كەزٸندە قانداي دا بٸر ساياسي اتريبۋت يا اكتسييا ۇيىمداستىرۋعا بولمايدى.
بٸراق حوك سپورتشىنى جازالمايتىنىن مەلٸمدەپ, سپورتشىنىڭ ەرەكەتٸن "جالپى بەيبٸتشٸلٸككە شاقىرۋ" دەپ باعالادى.
پەكين وليمپياداسى اقش پەن قىتايدىڭ, رەسەي مەن ۋكراينانىڭ اينالاسىندا جاعداي شيەلەنٸسكەن تۇستا ٶتٸپ جاتىر.
كەيٸنگٸ ۋاقىتقا رەسەي ۋكراينامەن شەكارا ماڭىنا 100 مىڭنان اسا ەسكەريلەرٸن شوعىرلاندىرىپ, جيٸ ەسكەري جاتتىعۋ ۇيىمداستىرىپ جاتىر. كيەۆ مەسكەۋ ۋكرايناعا باسىپ كٸرۋدٸ جوسپارلايدى دەسە كرەمل ۋكرايناعا شابۋىل جاسامايتىنىن ايتادى. بٸراق مەسكەۋ باتىس ەلدەرٸنە "سوۆەت وداعىنىڭ قۇرامىندا بولعان ەلدەر, سونىڭ ٸشٸندە ۋكراينا ناتو-عا مٷشە بولماۋى تيٸس" دەگەن تالاپ قويىپ وتىر.
اقش جەنە ەۋروپا ەلدەرٸ رەسەي ۋكرايناعا باسىپ كٸرسە قاتاڭ سانكتسييا سالاتىنىن مەلٸمدەگەن.
