بەلارۋستە ٶتٸپ جاتقان «Alexander Cup» حالىقارالىق تۋرنيرٸندە قازاقستاندىق اۋىر اتلەت نيجات راحيموۆ «التىن» الدى. بۇل تۋرالى "ۇلت اقپارات" فەدەراتسيياسىنىڭ باسپاسٶز قىزمەتٸنە سٸلتەمە جاساپ حابارلايدى.
بەلارۋس رەسپۋبليكاسىنىڭ گرودنو قالاسىندا 1-5 قاراشا ارالىعىندا ٶتٸپ جاتقان جارىس 2020 جىلى توكيودا ٶتەتٸن وليمپيادا ويىندارىنا ٸرٸكتەۋ شاراسى سانالادى. وعان 300-گە جۋىق سپورتشى قاتىسۋدا.
«بٷگٸن 81 كگ دەيٸنگٸ سالماقتا جارىسقا شىققان نيجات راحيموۆ قازاقستان قورجىنىنا ەكٸنشٸ «التىندى» سالدى. ول 81 كەلٸگە دەيٸنگٸ سالماقتا ٷزدٸك اتاندى. قوس سايىس نەتيجەسٸندە ول 344 كەلٸنٸ (151+193) باعىندىردى», - دەلٸنگەن حابارلامادا.
ايتا كەتسەك, بٸرٸنشٸ التىن مەدالدٸ ەكاتەرينا بىكوۆا جەڭٸپ العان ەدٸ.
بۇعان دەيٸن 55 كەلٸدەگٸ زٷلفييا چينشانلو قولا جٷلدە جەڭٸپ العان بولاتىن.
قازاقستان نامىسىن قورعاۋعا كەلەسٸ اتلەتتەر اتتانعانىن جازعانبىز:
نيجات راحيموۆ - 81 كەلٸگە دەيٸنگٸ سالماق دەرەجەسٸندە,
دەنيس ۋلانوۆ - 81 كەلٸگە دەيٸن,
يگور سون - 55 كەلٸگە دەيٸن,
زٷلفييا چينشانلو - 55 كەلٸگە دەيٸن,
ەكاتەرينا بىكوۆا – 71 كەلٸگە دەيٸنگٸ سالماق ساناتىندا.
