قاراعاندىدا جەرگٸلٸكتٸ جوعارى وقۋ ورنىندا اشىلعان ورىس تٸلٸ ورتالىعىنا بايلانىستى داۋ تۋدى. قالانىڭ قوعامدىق بەلسەندٸلەرٸ ورتالىقتى "رۋسسكيي مير" قورى اشتى دەپ كٷدٸكتەنەدٸ. ونى ەيگٸلٸ رەسەيلٸك دەپۋتات ۆياچەسلاۆ نيكونوۆ باسقارادى, - دەپ حابارلايدى Tengrinews.kz.
4 ماۋسىمدا بٶكەتوۆ اتىنداعى قاراعاندى ۋنيۆەرسيتەتٸندە ورىس تٸلٸ ورتالىعى اشىلعان. قاراعاندىلىق قوعام بەلسەندٸلەرٸ "رۋسسكيم مير" قورىنىڭ رەسمي سايتىندا وسى اقپارات جارييالانعانىن جازدى. سوعان بايلانىستى, ولار ورتالىقتىڭ قورعا قاتىسى بار دەپ كٷدٸكتەنەدٸ. الايدا كٶپ ۇزاماي سايتتاعى اقپارات ٶشٸرٸلگەن. بٸراق بٸرقاتار باق-تا اقپاراتتىڭ سكرينشوتتارى قالعان, ال Google قوردىڭ سايتىندا بۇرىن جارييالانعان وسى جاڭالىققا سٸلتەمە بەرەدٸ.
الايدا بٶكەتوۆ اتىنداعى قاراعاندى ۋنيۆەرسيتەتٸ اقپاراتتى جوققا شىعاردى. ۋنيۆەرسيتەتتەگٸلەر ورتالىقتىڭ "رۋسسكيي مير" قورىنا ەشقانداي قاتىسى جوق ەكەنٸن ايتتى. جوو اقپاراتى بويىنشا, ورتالىق حالىقارالىق ورىس تٸلٸ كٷنٸ قارساڭىندا فيلولوگييا فاكۋلتەتٸندە اشىلعان.
"سوڭعى ۋاقىتتا ۋنيۆەرسيتەتتە تٸلدەردٸ جەتٸك مەڭگەرۋ ٷشٸن اعىلشىن, نەمٸس, قىتاي, تٷرٸك تٸلدەرٸ كابينەتٸ اشىلدى. جاقىندا اشىلعان ورىس تٸلٸ مەن ەدەبيەتٸ كابينەتٸ وسى ماماندىق ستۋدەنتتەرٸنە, سونداي-اق جاقىن جەنە الىس شەتەل ستۋدەنتتەرٸنە ورىس تٸلٸ مەن ەدەبيەتٸن وقىتۋعا ارنالعان. كابينەتتٸ اشۋ مەسەلەسٸ رەسەي فەدەراتسيياسىنىڭ تٶتەنشە جەنە ٶكٸلەتتٸ ەلشٸسٸمەن تالقىلاندى. كەلٸسسٶزدەر 2017 جىلدان 2019 جىلعا دەيٸن ٷش جىل بويى جٷرگٸزٸلدٸ", - دەدٸ ۋنيۆەرسيتەت ٶكٸلٸ.
سونداي-اق, ەلشٸلٸك ۋنيۆەرسيتەتتٸڭ فيلولوگييا فاكۋلتەتٸنە وقۋ ەدەبيەتٸنٸڭ مىڭنان اسا داناسىن بەرگەن.
ەسكە سالايىق, بۇعان دەيٸن رەسەيلٸك "پەرۆىي كانال" ەفيرٸندە مەملەكەتتٸك دۋما دەپۋتاتى ۆياچەسلاۆ نيكونوۆتىڭ قازاقستان تۋرالى ايتقان سٶزٸ جەلٸدە تاراعان ەدٸ. دەپۋتات ەفير بارىسىندا قازاقستان دەگەن ەل بولماعانىن ايتتى.
"قازاقستان بولعان جوق, سولتٷستٸك قازاقستاندا بۇرىن مٷلدە قونىستانباعان. ولار بولعان, بٸراق وڭتٷستٸككە جاقىن. شىن مەنٸندە, قازاقستان تەرريتوريياسى - رەسەي مەن كەڭەس وداعىنىڭ ٷلكەن سىيلىعى", - دەگەن ەدٸ نيكونوۆ "بولشايا يگرا" باعدارلاماسىندا.
كەيٸن قازاقستان سىرتقى ٸستەر مينيسترلٸگٸنە رەسەي فەدەراتسيياسىنىڭ ۋاقىتشا سەنٸمدٸ ٶكٸلٸ الەكساندر كوماروۆ شاقىرىلىپ, وعان قر سٸم ۇستانىمى كٶرسەتٸلگەن نوتا تابىستالدى. كەيٸن بۇل مەلٸمدەمەلەرگە رەسەي سٸم باسشىسى سەرگەي لاۆروۆ تٷسٸنٸك بەردٸ.
