ريو وليمپياداسىندا 77 كيلوگراممدا ەلەم رەكوردىن ورناتىپ, التىن مەدال العان قازاقستاندىق اۋىر اتلەت نيجات راحيموۆ ازاتتىق تٸلشٸسٸنە دوپينگتەن تازا ەكەنٸن ايتتى.
- مەن - تازامىن. باسقا ايتىلىپ جاتقان سٶزدەرگە مەن بەرمەيمٸن, - دەدٸ راحيموۆ.
راحيموۆ ريودا التىن العاننان كەيٸن ونىڭ قارسىلاستارىنىڭ بٸرٸ, قولا مەدال يەلەنگەن ەگيپەتتٸك موحاممەد ماحمۋد "دوپينگ تەكسەرٸستەن كەيٸن ٶزگەرٸستەر (مەدال يەگەرلەرٸ بويىنشا - رەد.) بولۋى مٷمكٸن. قىسقا ۋاقىتتىڭ ٸشٸندە وسىنداي سالماقتى كٶتەرۋ مٷمكٸن ەمەس" دەگەن.
ۇلتتىق وليمپيادا كوميتەتٸنٸڭ مەلٸمدەۋٸنشە, ريو وليمپياداسى الدىندا قازاقستان سپورتشىلارى گەرمانيياداعى زەرتحانادا دوپينگ تەكسەرٸسٸنەن ٶتٸپ, بارلىعى تازا بولعان.
نيجات راحيموۆ 2013 جىلى ەزەربايجان قۇراماسىندا جٷرگەندە دوپينگپەن ۇستالىپ, ەكٸ جىل جازاسىن ٶتەگەن سوڭ 2015 جىلى سپورتقا قايتا ورالعان. ول سپورتقا قايتا ورالعان سوڭ 2015 جىلى قازاقستان اتىنان حيۋستونداعى ەلەم چەمپيوناتىندا التىن جٷلدە العان.
راحيموۆ ريو وليمپياداسىندا جۇلقا كٶتەرۋدەن كەيٸن قىتايلىق اتلەت ليۋي سياوتسزياننان 12 كيلوگرامم ۇتىلىپ تۇرعان. سوسىن سەرپە كٶتەرۋدە رەكوردتىق 214 كيلوگرامدى كٶتەرٸپ, چەمپيون اتاندى.
قازٸر قازاقستان قۇراماسىنىڭ ريو وليمپياداسىنىڭ ەكٸ التىن, ەكٸ كٷمٸس, ٷش قولا مەدالٸ بار. راحيموۆتان بٶلەك جٷزۋدەن دميتريي بالاندين التىن الدى. جازيرا جاپپارقۇل (اۋىر اتلەتيكا) پەن ەلدوس سمەتوۆ (دزيۋدو) كٷمٸس مەدال ەنشٸلەگەن. گالبادراح وتگونتسەتسەگ (دزيۋدو), كارينا گوريچەۆا مەن فارحاد حاركي (ەكەۋٸ دە - اۋىر اتلەتيكا) قولا مەدال يەلەنگەن. قازاقستان 11 تامىزداعى كوماندالىق ەسەپتە 11-ورىندا تۇر.
رۋسلان مەدەلبەك, ازاتتىق
